1 SAMUELA 3:10 - Jinghpaw Common Language Bible 2009

¹⁰ Dai Madu gaw sa nna dai yang e tsap let shawng na zawn, “Samuela! Samuela!,” ngu nna shaga wu ai. Samuela mung, “Tsun rit, na a shangun ma wa madat nga nngai,” ngu nna htan wu ai.

Jinghpaw Hanson Version Bible

¹⁰ Shaloi Yehowa sa tsap nna, shawng na zawn, “Samuela, Samuela,” nga nna shaga wu ai. Samuela mung, “Tsun rit, na a mayam madat nga nngai,” ngu nna htan wu ai.

1 SAMUELA 3:10 ပူးပေါင်းရင်းမြစ်များ

YAWSHU 5:14

Dai wa gaw, “Gara wa mahtang mung n rai nngai. Dai Madu a hpyen luksuk up hkang ai dap up wa zawn ngai nang e nga nga nngai,” ngu nna htan wu ai. Yawshu mung ga de dingnyawm nawku let, “Madu e, ngai gaw na a shangun ma rai nga nngai. Nang ngai hpe hpa galaw shangun mayu n ta?,” ngu nna tsun wu ai.

1 SAMUELA 12:2

ya chyawm gaw nanhte hpe woi awn na matu shi hpe lu la manit dai. Ngai chyawm gaw asak kaba nna baw hpraw ni ai; nye a kasha ni mung nanhte hte rau rai ma ai. Nye a ram prat kaw nna ya du hkra ngai nanhte a ningbaw tai ya nga nngai.

1 SAMUELA 3:11

Dai Madu gaw shi hpe, “Lani mi na aten hta, ngai gaw Israela amyu masha ni hpe lama mi galaw dan na nngai, dai gaw grai hkrit hpa rai nna, de a lam na mana ni sai kajawng mat na mara ai.

1 SAMUELA 3:15

Samuela gaw jahpawt du hkra yup ra e nga nga wu ai; dai hpang shi rawt nhtawm dai Madu a nta chyinghka ni hpe hpaw wu ai. Dai shingran Eli hpe tsun dan na shi hkrit nga ai.

1 SAMUELA 3:21

Samuela kaw dan pru yu nna shi hte ga shaga yu sai Shilo shara hta dai Madu gaw shi hkum nan matut dan pru nga ai. Samuela ga shaga ai shaloi Israela masha nlang ni madat nga ma ai.

1 SAMUELA 3:8

Dai Madu mung masum lang ngu na Samuela hpe shaga wu ai. Shaloi shi rawt let Eli hpang de sa nna, “Nang ngai hpe shaga ndai, ndai yang e ngai nga nga nngai,” ngu nna tsun wu ai. Dai hpang, Eli gaw ma hpe shaga nga ai wa gaw dai Madu rai nga ai hpe dum chye wa wu ai rai nna;

1 SAMUELA 3:9

shi gaw ma hpe, “Yup ra de nhtang wa su; shi nang hpe bai shaga yang, ‘Madu e, tsun rit, na a shangun ma wa madat nga nngai,’” ngu nna tsun u, ngu wu ai. Dai rai nna Samuela mung yup ra de shang mat wa wu ai.