1 SAMUELA 29:8 - Jinghpaw Common Language Bible 2009

⁸ Dawi gaw, “Madu e, ngai hpa baw galaw shut kau sata? Ataw, nang tsun ai hte maren nga yang, nang hpe ngai nnan daw jau hpang ai shani kaw nna dai ni du hkra ngai hta hpa mara mung nang n mu ai nga ai n rai ni? Dai rai yang me, nye a madu hte hkawhkam rai nga ai nang hte rau na a gumlau hpyen ni hpe ngai hpa majaw n mai pru gasat ang nga a ni?,” ngu nna htan wu ai.

Jinghpaw Hanson Version Bible

⁸ Dawi chyawm gaw, “Taw, ngai na mayam wa, nang hkawhkam madu a hpyen ni hpe n sa gasat mai na gaw, ngai hpa shut a ta? Nang kaw nga ai nhtoi hte ting hta, dai ni du hkra, ngai hta hpa shut ai mu n ta?” ngu nna Ahkisha hpe htan wu ai.

1 SAMUELA 29:8 ပူးပေါင်းရင်းမြစ်များ

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

1 SAMUELA 28:2

Dawi gaw, “Mai sa, teng teng rai na nngai. Ngai gaw na a shangun ma wa rai nga nngai hte maren, nang hkum a matu ngai hpa galaw ya lu na lam, nang mu lu na rai ndai,” ngu nna htan wu ai. Ahkisha mung, “Mai sa! Ngai mung nang hpe tut nawng na nye a asak sin ya ai du shatai na de ai,” ngu nna tsun wu ai.

1 SAMUELA 26:18

Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?

1 SAMUELA 20:8

Chyeju hte ngai hpe matsan dum la e law; nang ngai hpe jaw ai dai chyoi pra ai ga sadi hpe shatup nga u law; rai ti mung ngai mara lu ai wa rai n yang gaw nang nan ngai hpe sat kau rit! Ngai hpe sat kau na she rai yang, hpa majaw na nwa kaw naw woi wa ra na rai ta?,” ngu nna tsun htang wu ai.

1 SAMUELA 17:29

Dawi gaw, “Ya ngai hpa galaw shut kau sata? Shing ngu nna sha pyi ngai n mai san a ni?,” ngu nna san wu ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 27:10

“Ndai aten hta nang gara hkan e hkan hpya hkawm nga n ni?,” ngu nna shi hpe san ai shaloi, Dawi gaw shi hpe Yuda mung a dingda daw shing n rai Yeramela lakung lama ni nga ai lamu ga, shing n rai Keni masha ni nga ai lamu ga de du hkra sa gasat ga ai, ngu nna tsun na mu ai.

1 SAMUELA 29:7

Dai re ai majaw, nta de angwi apyaw hte nhtang wa sanu; shanhte hpe myit n pyaw n ngawn shangun ai amu hpa mung hkum galaw shapraw dat et,” ngu nna tsun wu ai.