1 SAMUELA 29:4 - Jinghpaw Common Language Bible 2009

⁴ Rai ti mung Hpilisti up hkang du ni mahtang Ahkisha hpe pawt mu ai hte shi hpe, “Nang shi hpe jaw tawn da ai mare de shi hpe bai wa sa kau sanu; anhte hte rau majan pa de hkum hkan nang shangun et; majan gasat nga ai laman, shi mahtang anhte hpe nhtang tai na rai wu ai. Anhte a masha ni si mat jang sha, shi madu a myi man shapa ya lu nga ai hta kaga grau kaja ai lam shi a matu hpa naw nga nga a ni?

Jinghpaw Hanson Version Bible

⁴ Hpilisti du ni chyawm gaw shi hpe pawt shajang nna, “Ndai wa, wa mat u ga; nang shi hpe san tawn ai shara de, shi wa nga nga nu ga; anhte kaw majan gasat ai shara de hkum hkan nang shangun et; majan ginra du jang anhte a hpyen maga de kayin mat na tsang ra ai. Shi gaw shi madu a myit kawp hkra kaning di lu a ta? anhte masha ni a baw ap ya ai hte sha shakawp lu na n rai ni?

1 SAMUELA 29:4 ပူးပေါင်းရင်းမြစ်များ

1 HKAWHKAM LABAU 12:19

Dawi gaw Hpilisti masha ni hte rau Hkawhkam Shawlu hpe htim gasat na matu rawt sa wa yang, Manashe a amyu bawsang kaw nna hpyenla nkau mi gaw Dawi hpang maga de shang mat wa ma ai. Teng teng nga yang, shi gaw Hpilisti masha ni hpe sa karum la na matu n rai; hpa majaw nga yang, shanhte hpe shi a shawng na madu Shawlu hpang de woi kayin gumlau kau na hpe shanhte a hkawhkam ni hkrit nga ma ai majaw shanhte gaw Dawi hpe Ziklag mare de nhtang wa kau shangun nga ma ai.

1 HKAWHKAM LABAU 12:20

Ndai ni gaw shi nhtang wa yang, Dawi a maga de tsap ai Manashe kaw na hpyenla ni rai nga ma ai; dai ni gaw Adna, Yozabad, Yediela, Mihkaela, Yozabad, Elihu hte Zilihtai ni rai ma ai. Shanhte gaw Manashe masha hkying hkying hpe up hkang ai ni rai ma ai.

PRU MAT 1:10

Majan byin wa ai rai yang, shanhte gaw anhte hpe gasat na matu anhte a gumlau hpyen ni hte matut wa nna ndai mungdan kaw nna mung hprawng lawt lu na mara ai. Shanhte grau n law jat wa lu mu ga, shanhte hpe hkum shingdang lu na hpaji zai ladat tam ga,” ngu nna tsun wu ai.

LUKA 16:8

Ndai zawn, bawnu shachyai nna hpaji hte chye galaw ai majaw, madu gaw kunhting wa hpe shakawn wu ai, hpa majaw nga yang, ndai mungkan ga a kashu kasha ni gaw, shanhte a mungkan amu magam lam galaw gun hpai sa wa ai hta, nhtoi hte seng ai kashu kasha ni hta grau nna hpaji rawng nga ma ai.”

1 SAMUELA 14:21

Hpilisti maga de gale shang mat wa sai Hebre masha nkau mi hte dap e shanhte hte rau nga nga ai ni gaw lang mi bai gale mat nna Shawlu hte Yonahtan ni hte matut mat ma ai.

1 SAMUELA 27:6

Dai rai nna Ahkisha mung shi hpe Ziklag mare jaw wu ai. Dai lam a majaw Ziklag mare hpe dai ni du hkra Yuda hkawhkam ni madu da nga ma ai.

1 SAMUELA 29:9

Ahkisha gaw, “Ngai chyawm gaw hkap la nngai, nang gaw Karai Kasang a lamu kasa langai zawn sadi dung nga ndai gaw ngai myit nawn nga nngai. Rai ti mung kaga hkawhkam ni mahtang anhte hte rau majan pa de n hkan sa lu na lam, tsun nga ma ai.

1 SAMUELA 30:1

Lahkawng ya na ai hpang, Dawi hte shi a masha ni Ziklag mare de nhtang du wa ma ai. Amalek masha ni chyawm gaw Yuda mung a dingda daw hte Ziklag mare ni hpe shang gasat nna hpya kau da ma ai. Shanhte gaw dai mare hpe mung nat kau da nhtawm,