1 SAMUELA 28:9 - Jinghpaw Common Language Bible 2009

⁹ Dai numsha gaw, “Gumhpan chye hpan ai ni hte nat num ni yawng hpe Israela mung kaw nna seng kau na nga Shawlu shadut ai amu hpe nang tup hkrak chye da nhtawm me, ngai hpe sat kau hkrum u ga nga, ngai hpe hpa majaw nang mahkam hkam shakut ya nga n ni?,” ngu nna htan wu ai.

Jinghpaw Hanson Version Bible

⁹ Dai numsha chyawm gaw, “Yu u, atsu chye shaga ai ni hte nat shung ai ni hpe, mung ting na seng kau ai, Shawlu galaw ai amu hpe nang chye da nhtawm me, ngai e si u ga nga, nye asak hpe hpa majaw mahkam hkam ya n ta?” ngu nna shi hpe htan wu ai.

1 SAMUELA 28:9 ပူးပေါင်းရင်းမြစ်များ

2 SAMUELA 18:13

Rai ti mung hkawhkam wa hkang dat ai ga hpe ngai lale kau nhtawm Absalom hpe sat kau ai rai yang, dai shiga hpe hkawhkam wa na na rai wu ai. Shi mahtang shiga magup na wa ai shaloi, nang mung ngai hpe makawp maga la lu na n rai nga ndai,” ngu nna htan wu ai.

2 HKAWHKAM 5:7

Israela hkawhkam wa dai laika hpe hti jang, hkrit gari ai hte shi a palawng ni hpe gang je kau nhtawm, “Ndai masha wa a manggang ana hpe shamai ya na matu Suri hkawhkam ngai hpe gara hku myit mada lu nu ai kun? Ngai gaw Karai Kasang rai nna asak jahkrung ya ai hte si hkrung si htan shabyin lu ai daru magam n-gun lu ai wa re ngu myit nawn la nga a ni? Shi gaw ngai hte ga li ga law na matu jahte tam hpang wa nga ai gaw asan sha rai nga sai!,” ngu nna jahtau tsun wu ai.

JAW JAU 19:31

“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.

1 SAMUELA 28:10

Dai hpang Shawlu gaw chyoi pra ai ga shaka hpe dagam shaka let, dai numsha hpe, “Dai lam a majaw nang hta ari n hkrum sha u ga, ahkrung nga ai dai Madu hta ngai ga sadi tawn da nngai,” ngu nna tsun wu ai.

1 SAMUELA 28:3

Samuela si mat sai rai nna, Israela amyu masha ni yawng shi a majaw sharung shayawt nga ma ai; shi nga ai Rama mare hta nan shi hpe makoi mayang da ma ai. Shawlu gaw gumhpan chye hpan ai ni hte nat num ni yawng hpe Israela mung kaw nna seng kau dat wu ai.