1 SAMUELA 28:8 - Jinghpaw Common Language Bible 2009

⁸ Shawlu gaw shi a hkum hpe bu hpun palawng amyu myu hte bu hpun nna nsam galai kau nhtawm nsin sin ai hpang, dai numsha hpe sa hkrum na nga, shi a masha lahkawng hte pru sa mat wa ma ai. Shi gaw dai numsha hpe, “Nye a matu wenyi ni hpe san yu nna, hpa baw byin wa na lam, ngai hpe tsun dan e; ngai mying gang ai masha wa a wenyi hpe shaga shapraw ya e,” ngu nna tsun wu ai.

Jinghpaw Hanson Version Bible

⁸ Shaloi Shawlu hpun palawng galai nna, lak lai ai hkum hte, manang lahkawng hte rau, dai numsha hpang de shana e sa nna, “Nang kaw jawn ai nat hta hpa nna ngai tsun na wa hpe shapraw ya e,” ngu wu ai.

1 SAMUELA 28:8 ပူးပေါင်းရင်းမြစ်များ

1 HKAWHKAM 22:30

Ahab gaw Yehoshahpat hpe, “Nye a hkum hpe masu kau nhtawm majan ginra de pru sa na nngai; rai ti mung nang chyawm gaw na a hkawhkam hking ni hte bu hpun sumraw da na rai ndai. Shing rai Israela hkawhkam gaw shi a hkum hpe masu kau nhtawm majan pa de shang sa mat wa wu ai.

1 HKAWHKAM 22:34

Suri hpyenla wa pagawn mi gap dat ai pala langai mi gaw Hkawhkam Ahab a ninggang magap a hkrihkraw lapran ang ang e gap jung dat ya wu ai. Shi gaw shi a gumra leng gau ai wa hpe, “Ngai hkala hkrum ni ai law! Kayin mat wa nhtawm majan pa kaw nna shapraw mat wa ya e!,” ngu nna tsun wu ai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

2 HKAWHKAM LABAU 18:29

Ahab gaw Yehoshahpat hpe, “Nye a hkum hpe masu kau nhtawm majan ginra de pru sa na nngai; rai ti mung nang chyawm gaw na a hkawhkam hking ni hte bu hpun da na rai ndai. Shing rai Israela hkawhkam gaw shi a hkum hpe masu kau nhtawm majan pa de shang sa mat wa wu ai.

2 HKAWHKAM LABAU 35:22

Rai ti mung Yoshia chyawm gaw htim gasat na matu myit daw dan jahkut da wu ai. Karai Kasang gaw Niko hku nna tsun shadum nga ai ga hpe shi n madat hkraw wu ai rai nna, shi hkum hpe shi nsam makoi galai kau nhtawm Megido pa layang na majan ginra de pru sa mat wa wu ai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

EZEKELA 12:6

Shanhte nang hpe azi yu lu mu ga, na a arung arai majaw hpe na a lahpa ntsa e hpai mara nhtawm na a myi man htinggrum kau let htat ai nsin kata de hkawm sa wa su. Nang kade hkawm sa nga ai hpe nang n mu lu na ndai. Ya nang hpa galaw nga ai lam gaw Israela masha ni hpe sadi jaw ai kumla tai na ra ai,” ngu nna tsun ai.

YAWHAN 3:19

Tara dara ai masa lam ndai hku rai nga ai; nhtoi gaw ndai mungkan ga de du sa sai, rai ti mung masha ni a arawn alai n shawp nga malu ai majaw, shanhte gaw nsin hpe nhtoi hta grau tsaw ma ai. Dai gaw tara dara hkrum ai lam nan rai nga ai.