1 SAMUELA 28:6 - Jinghpaw Common Language Bible 2009

⁶ shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.

Jinghpaw Hanson Version Bible

⁶ Shawlu gaw Yehowa kaw san wu timung, Yehowa n htan ya wu ai; yup mang hta mung, Urim hta mung, myihtoi hta mung, n htan ya wu ai.

1 SAMUELA 28:6 ပူးပေါင်းရင်းမြစ်များ

2 SAMUELA 22:42

Karum la na matu shanhte tam ma ti mung, shanhte hpe kadai mung n hkye mawai la nga ai; Dai Madu hpe shanhte shaga ti mung, shi htan ya wu ai n rai.

SHAKAWN KUNGDAWN 74:9

Anhte a makam masham hte seng ai chyoi pra ai kumla ni hpe n mu lu saga ai; dai shara hta myihtoi langai mi mung n nga nga sai hte kade daram na hkra, ndai zawn byin wa na lam, kadai mung n chye nga ai.

PRU MAT 28:20

mali ngu na lam hta myek-yoi, unuk hte nagahtoi ni rai na rai nga ai. Dai ni hpe ja hkalawk hta bang da na rai nga ai.

PRU MAT 28:30

Urim hte Htumim hpe sinda magap hta bang da na rai nga ai. Shi gaw nye a chyoi pra ai hpung shingkang shanu nga ai shara de shang ai shaloi, Arun gaw dai yan hpe hpai na rai wu ai. Dai zawn re ai aten ni hta, shi gaw sinda magap hpun da lu na rai wu ai; Shi gaw Israela amyu masha ni a matu nye a myit ra sharawng ai hku jeyang daw dan lu na rai wu ai.

GA SHAGAWP 27:1

Ya jahkring mi hta pyi, hpa byin wa na nang n chye nga ai majaw, hpawt ni na lam hpe galoi mung hkum grang dakat nga et.

YEREMIA 23:28

Yup mang mu ai myihtoi wa gaw yup mang hpe chyu sha hkai dan u ga; rai ti mung, nye a mungga hpe na la ai myihtoi wa gaw mungga hpe kangka ai hte htawn tsun u ga. Yihku hte hkaulan mam hpe kaning rai shadawn mai nga a ta?

SHARUNG SHAYAWT 2:9

Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

JAW JAU 8:8

Shi gaw sinda magap hpe mung dagap ya nna dai hta Urim hte Htumim bang ya wu ai.

MIHKA 3:7

Du na ra ai aten a matu myihtoi htoi ai ni shanhte a hkrat sum lam a majaw kaya kahpa hkrum na mara ai. Karai Kasang shanhte a ga n htan ya ai majaw, shanhte yawng jahpoi asawng ai hkrum na mara ai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

YAWHAN 9:31

Yubak kap ai ni a ga hpe Karai Kasang n madat nga ai gaw anhte chye ga ai, Karai Kasang hpe nawku hkungga nna shi a myit ra ai hku hte maren hkan sa galaw ai ni a ga hpe gaw madat nga ai.

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.

YAKU 4:3

Nanhte hpyi myit dai shaloi, nanhte n lu la myit dai; hpa majaw nga yang nanhte a kraw na maw mawn ai myit mahtang n kaja nga malit dai hte nanhte gaw nanhte pyaw daw lam hta jai lang na matu she hpyi nga myit dai.

1 SAMUELA 14:37

Dai rai nna, Shawlu gaw Karai Kasang hpe, “Ngai Hpilisti masha ni hpe gasat na rai ni? Anhte hpe awng padang jaw na n ni?,” ngu nna san wu ai. Rai ti mung Karai Kasang chyawm gaw dai shani e n htan ya wu ai.

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.

1 SAMUELA 28:5

Shawlu gaw Hpilisti hpyen luksuk hpe mu ai shaloi, hkrit gari nga ai rai nna,