1 SAMUELA 28:4 - Jinghpaw Common Language Bible 2009

⁴ Hpilisti hpyen hpung ni hpawng nna Shunem mare makau e dap jung tawn ma ai; Shawlu mung Israela masha ni hpe shinggyin la nna Gilaboa Bum e dap jung tawn wu ai.

Jinghpaw Hanson Version Bible

⁴ Ya Hpilisti masha ni zuphpawng nna, Shunem shara e dap jung nga ma ai: Shawlu mung Israela masha ni yawng zuphpawng nna, Gilaboa shara e dap jung nga ma ai.

1 SAMUELA 28:4 ပူးပေါင်းရင်းမြစ်များ

2 SAMUELA 1:21

Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

2 SAMUELA 1:6

Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

2 SAMUELA 21:12

Gilead mung e nga ai Yabesha masha ni a lata hta nga ai Shawlu hte shi a kasha Yonahtan a nrut nra ni hpe sa la da wu ai. (Ya Yabesha masha ni gaw Gibeon bum ntsa e Hpilisti masha ni Shawlu hpe sat kau nhtawm shi a moi mang hpe noi kau da ai Bet Shan shawa shara pa kaw na sa lagu tawn da nga ma ai.)

1 HKAWHKAM 1:3

Shaloi shanhte gaw Israela mung ting hta e ahpraw tsawm htap ai numsha langai mi tam nna Shunem numsha Abishaga mying ai numsha hpe mu jang hkawhkam wa hpang de woi wa ya mu ai.

2 HKAWHKAM 4:8

Lani mi hta Elisha gaw sut su ai numsha langai nga ai Shunem mare de sa wa wu ai. Shaloi lusha hkap daw na matu dai numsha shi hpe saw shaga wu ai; dai aten kaw nna Shunem mare de shi sa ai aten shagu dai numsha a nta hta lusha sha la la rai nga ai.

YAWSHU 19:18

De a ginwang hta Yezrela, Hkesulot, Shunem,

1 SAMUELA 28:5

Shawlu gaw Hpilisti hpyen luksuk hpe mu ai shaloi, hkrit gari nga ai rai nna,

1 SAMUELA 31:1

Hpilisti masha ni gaw Israela amyu masha ni hpe Gilaboa Bum ntsa e sa gasat ma ai. Dai yang e, Israela amyu masha ni law law sat kau ai hkrum nga ma ai; ngam nga ai ni hta Hkawhkam Shawlu hte shi a kasha ni du hkra hprawng mat wa ma ai.

1 SAMUELA 31:8

Majan a hpang shani e, si mang ni hta na lanep hpyu la na nga pru sa wa ma yang, Shawlu a moi mang hte shi a kasha masum Gilaboa Bum ntsa e si taw nga ai hpe shanhte mu ma ai.