1 SAMUELA 28:3 - Jinghpaw Common Language Bible 2009

³ Samuela si mat sai rai nna, Israela amyu masha ni yawng shi a majaw sharung shayawt nga ma ai; shi nga ai Rama mare hta nan shi hpe makoi mayang da ma ai. Shawlu gaw gumhpan chye hpan ai ni hte nat num ni yawng hpe Israela mung kaw nna seng kau dat wu ai.

Jinghpaw Hanson Version Bible

³ Dai shaloi e Samuela n nga ai, si mat sai rai nna, Israela masha ni yawng shi a majaw hkrap ngu hkrap ngoi rai let, shi nga ai Rama mare e makoi mayang manu ai. Shawlu mung, atsu chye shaga ai ni hte gumhpan hpan ai ni hpe, mung ting na seng kau wu ai.

1 SAMUELA 28:3 ပူးပေါင်းရင်းမြစ်များ

PRU MAT 22:17

Rai ti mung, shi a kawa mahtang shi hpe jaw sha na matu n hkraw ai rai yang, hkawn jet a matu hpu ja bang ang ai made, kawa hpe gumhpraw hte wa lu na rai nga ai.

PRU MAT 22:18

“Mandan chye galaw ai num kadai mung si lu na rai wu ai.

JAW JAU 19:31

“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.

JAW JAU 20:27

“Si mat sai masha ni a wenyi hte ga shaga ai numsha lasha kadai mung nlung hte kabai sat kau ai hkrum na rai wu ai; dai zawn re ai amu galaw ai wa gaw shi a si hkrung si htan lam a matu lit lu nga wu ai.

JAW JAU 20:6

“Si mat sai ni a wenyi ni hte ga shaga hkrum ai masha ni hpang de hpaji sa hpyi na matu marai langai ngai sa ai rai yang, ngai shi hpe hpyen tai nna shi hpe nye a amyu masha ni hta na sumri dan kau na we ai.

1 SAMUELA 15:23

Shi hpe gumlau ai lam gaw hpyi shung shung ai zawn n kaja nga ai; myit tsaw myit dap rawng ai gaw hpara sumla hpe nawku ai htung lai zawn yubak lu nga ai. Dai Madu a hkang da ai ga hpe nang ningdang kau nit dai majaw shi mung nang hpe hkawhkam aya kaw nna jahkrat kau nu ai,” ngu nna htan wu ai.

1 SAMUELA 25:1

Samuela si mat sai rai nna, Israela amyu masha ni yawng zup hpawng nna shi a matu sharung shayawt nga ma ai. Dai hpang shi hpe Rama shara na shi a nta e makoi mayang ma ai. Dai amu ngut ai hpang, Dawi gaw Paran nam mali de rawt sa mat wa wu ai.

1 SAMUELA 28:9

Dai numsha gaw, “Gumhpan chye hpan ai ni hte nat num ni yawng hpe Israela mung kaw nna seng kau na nga Shawlu shadut ai amu hpe nang tup hkrak chye da nhtawm me, ngai hpe sat kau hkrum u ga nga, ngai hpe hpa majaw nang mahkam hkam shakut ya nga n ni?,” ngu nna htan wu ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.