1 SAMUELA 28:23 - Jinghpaw Common Language Bible 2009

²³ Shawlu chyawm gaw shi hpa mung n sha na ngu nna ningdang kau wu ai. Rai ti mung, shi a du salang ni mung, lusha sha na shi hpe shadut ma ai. Shi mung hpang jahtum e hkraw ya ai hte ga kaw nna rawt wa nhtawm yup ku ntsa e dung nga ai.

Jinghpaw Hanson Version Bible

²³ Shi chyawm gaw, “Ngai n sha na nngai,” ngu nna ndang wu ai. Rai timung, shi a shangun ma ni mahtang dai numsha hte rau shi hpe jawm shagwi mu ai rai nna, shi mung shanhte a ga madat nna, ga na rawt nhtawm, yup ku hta dung nga ai.

1 SAMUELA 28:23 ပူးပေါင်းရင်းမြစ်များ

1 HKAWHKAM 21:4

Ahab mung nta de wa nna, Nabot shi hpe tsun kau wu ai ga a majaw myit htum ai hte pawt wu ai. Shi gaw shakum de myi man yawng let shi a yup ku ntsa e kaleng taw nga ai; shat mung n sha wu ai.

2 HKAWHKAM 4:8

Lani mi hta Elisha gaw sut su ai numsha langai nga ai Shunem mare de sa wa wu ai. Shaloi lusha hkap daw na matu dai numsha shi hpe saw shaga wu ai; dai aten kaw nna Shunem mare de shi sa ai aten shagu dai numsha a nta hta lusha sha la la rai nga ai.

2 HKAWHKAM 5:13

Shi a shangun ma ni shi kaw lung wa nhtawm, “Madu e, myihtoi wa gaw yak ai amu lama mi galaw na matu nang hpe tsun ai rai yang, nang dai amu hpe galaw ang nga ndai. Shi tsun nu ai hte maren, na hkum nang ya hpa majaw n lu shin na rai ta? Shamai shatsai hkrum na n rai ni?,” ngu nna tsun wu ai.

ESHTA 1:6

Dai hkaw wang na lung hpraw shadaw hta gumhpraw shanghkawng ni hte shaba pu nsam rawng nna mani tsawm ai sumri ni hte hkang nhtawm lamu tsit nsam hte hpraw ai sumpan ni hte mawn sumli da nga ai. Yup ku ni hpe aja gumhpraw hte galaw nhtawm hpraw ai lunghpraw, hkyeng ai nlung, pale kanu zawn hpraw tu ala ai hte lung mut ni hte nep da ai shara hta tawn da nga ai.

GA SHAGAWP 25:20

Myit si myit htum hkrum nga ai wa hpe mahkawn mangoi ai gaw kashung ai shani e palawng raw ai hte nma hkang hta jum chya ai zawn rai nga ai.

EZEKELA 23:41

Shan gaw tsawm ai ku ntsa hta dung nna, de a man e, ngai shan a matu lajang da ya sai sha ku hta kaja ai arung arai ni hpe mara da ma ai; dai hta manam pyaw ai baw hte tsanlun sau mung lawm nga ai.

LUKA 14:23

Shing nga jang madu gaw, ‘Nam kahtawng hkan na lam kaji kaba de pru sa nna, nye a nta hpring u ga, shanhte hpe adip arip woi bang rit.

LUKA 24:29

Rai ti mung shan gaw, “An hte rau shang nga ga; jan mung du mat wa sai, nsin mung sin wa ra ai,” ngu nna shi hpe akroi anoi saw mu ai. Dai majaw shan hte rau nga na shi shang wa ai.

KASA 16:15

Shi hte nta masha ni hkalup hkam la ngut jang, shi gaw, “Dai Madu hpe kam sham ai hta teng man kangka ai jan rai ni ai ngu nna nanhte myit hkut da sai rai yang gaw nye a nta kaw sa nga marit,” ngu nna akroi anoi hpyi ai hte nga shangun mi ai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

1 SAMUELA 28:22

Ya chyawm gaw, chyeju hte ngai san ai ga hpe galaw shatup ya e. Na a matu lusha loi mi hkyen lajang ya de ga. Dai hpe sha la u, shaloi nang hta n-gun hpring wa nna hkawm sa wa lu na rai ndai,” ngu nna tsun wu ai.