1 SAMUELA 28:16 - Jinghpaw Common Language Bible 2009

¹⁶ Shaloi Samuela gaw, “Dai Madu gaw nang hpe kau da nna na a hpyen tai nga sayang me, nang hpa majaw ngai hpe shaga n ni?

Jinghpaw Hanson Version Bible

¹⁶ Samuela chyawm gaw, “Yehowa nang hpe kabai kau nna, na a hpyen tai nga sai rai yang gaw, ngai hpe hpa majaw naw san n ta?

1 SAMUELA 28:16 ပူးပေါင်းရင်းမြစ်များ

2 HKAWHKAM 6:27

Shi gaw, “Dai Madu nang hpe n karum la ai rai yang, ngai gara hku karum shingtau lu na rai nga a ta? Hkaulan mam mung, sabyi mung ngai kaning rai lu na rai ta?,” ngu nna san wu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 18:24

Babelon mare ari hkrum ai lam gaw, myihtoi ni a asai, Karai Kasang a amyu masha ni a asai hte, rai sa, ga ntsa e sat kau hkrum mahkrum ni a asai dai mare hta mu hkrup lu sai majaw rai nga ai, nga nna tsun ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.

1 SAMUELA 28:17

Dai Madu ngai hpe tsun sai hte maren, nang hpe shi galaw nu ai. Ndai mungdan hpe na a lata kaw nna shi la kau nhtawm Dawi hpe jaw kau nu ai.