1 SAMUELA 27:8 - Jinghpaw Common Language Bible 2009

⁸ Dai laman hte hta, Dawi hte shi a masha ni gaw dai ginwang ni hta moi kaw nna nga nga ai Geshuri, Girazi, hte Amalek masha ni hpe sa gasat mu ai. Shi gaw shanhte a lamu ga hpe Egutu mung de yu wa ai Shura mare de du hkra shang gasat la nhtawm,

Jinghpaw Hanson Version Bible

⁸ Shaloi Dawi hte shi a masha ni gaw, Geshuri, Gerazi hte Amalek masha ni hpe sa hpya ma ai: kaning rai nme law, dai amyu ni gaw, moi nna Shura de sa ai lam dingdung, Egutu mung htep anga nga ai ni rai nga ma ai.

1 SAMUELA 27:8 ပူးပေါင်းရင်းမြစ်များ

2 SAMUELA 14:23

Dai hpang shi gaw Geshura de sa nna Absalom hpe Yerusalem mare de bai woi wa wu ai.

2 SAMUELA 14:32

Absalom chyawm gaw, “Ngai nang hpe shaga shangun dat yang, nang n sa ndai majaw ya mung hkawhkam wa kaw shang lu na matu ngai nang hpe ra nga nngai rai nna nang kaw nna shi hpe ning ngu san ya rit: “Ngai gaw Geshura mare kaw na ndai shara de hpa majaw wa nngai kun? Dai mare e sha nga nga na gaw nye a matu grau mai kaja nga ai,’” ngu nna htan wu ai. Absalom gaw matut nna, “Hkawhkam wa hpe mu lu n-ga, nye a matu ngai nang hpe lajang shangun mayu nngai; ngai hta mara kap nga ai rai yang mung, shi ngai hpe sat kau sanu ga,” ngu nna tsun wu ai.

2 SAMUELA 15:8

Suri mung Geshura mare e ngai naw nga ai shaloi, Yerusalem mare de ngai hpe bai woi wa ai rai yang, Hebron mare e ngai nang hpe nawku na nngai ngu nna dai Madu hpe ngai ga sadi jaw da nngai law,” ngu nna tsun wu ai.

2 SAMUELA 3:22

Dai hpang Yoab hte kaga Dawi a du salang ni gaw masha hpyen dawwa hpe hkan shachyut ai kaw na nhtang wa ma ai rai nna, lanep law law magawn wa ma ai. Abna chyawm gaw Dawi e shim lam pahkam hkam ya ai hte shangun dat ai majaw Dawi hte rau Hebron mare hta shi n nga nga ai.

2 SAMUELA 3:3

Hkarmela mare na Nabala a gaida jan kanu Abigala a kasha Hkilab, Geshura Hkawhkam Talamai a shayi sha kanu Mahka a kasha Absalom;

2 SAMUELA 8:12

shi gasat dang da sai Edom, Moba, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, Hadadeza kaw na lu la ai lanep kau chyen ni hpe mung nawng ya wu ai.

1 HKAWHKAM LABAU 2:23

Rai ti mung Geshura hte Aram mungdan ni gaw dai yang hkan na mare kru shi hpe mung, Yaira hte Kena yan a kahtawng ni hpe mung, grup yin hkan na mare ni hpe mung gasat dang la kau ma ai. Dai yang hkan shanu nga ai amyu masha ni yawng gaw Gilead a kawa Mahkira a amyu matu ni rai ma ai.

PRU MAT 15:22

Dai hpang Mawshe gaw Israela amyu masha ni hpe Nawng Hkyeng kaw nna Shura nam mali de woi sa wa wu ai. Shanhte gaw nam mali kata e masum ya sat hkawm sa wa ma ti mung, hka n mu lu ma ai.

PRU MAT 17:8

Amalek masha ni pru sa nna, Rehpidim e Israela amyu masha ni hpe htim gasat ma ai.

BU HKAWM 13:29

Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

BU HKAWM 14:45

Dai hpang dai mung na Amalek hte Hkanan masha ni shanhte hpe gasat dang kau ai hte Horma mare du hkra shachyut kau ma ai.

YAWSHU 12:5

Shi a mungdan gaw Hermon bum, Saleka, Geshuri Mahka lamu ga jarit hte Gilead mung chyen mi du hkra dam ai Bashan mung ting, Heshbon Hkawhkam Sihon a lamu ga jarit htep lawm nga ai.

YAWSHU 13:13

Rai tim, Israela amyu masha ni mahtang Geshuri hte Mahkahti masha ni hpe n gasat shapraw kau ma ai majaw Israela mung hta naw nga ma ai.

YAWSHU 13:2

Hpilisti hte Geshuri lamu ga yawng,

YAWSHU 16:10

Rai ti mung, Gezera mare e nga ai Hkanani masha ni hpe shanhte n gawt shapraw kau mu ai rai nna, dai ni du hkra Ehprim kashu kasha ni hta Hkanani masha ni nga nga ma ai; rai ti mung shanhte gaw mayam shatai hkrum nga ma ai.

TARA AGYI 1:29

Ehprim amyu bawsang ni mung Gezera mare hta nga nga ai Hkanani masha ni hpe n gawt shapraw kau ma ai; Hkanani masha ni gaw dai mare hta shanhte hte rau matut nna nga nga ma ai.

1 SAMUELA 29:6

Ahkisha gaw Dawi hpe shaga la nhtawm shi hpe, “Nang ngai hta sadi dung nga ndai mung, ndai majan hta ngai hte rau nang pru sa nna sa gasat lawm ai amu hta ngai nang hpe myit du sade ai mung, nang ngai kaw du ai shani kaw nna ya du hkra nang hta hpa mara n mu mada ai mung, ahkrung nga ai Israela a Karai Kasang hta ngai dagam nga nngai. Rai ti mung, kaga hkawhkam ni mahtang nang hpe n ra sharawng nga ma ai.

1 SAMUELA 30:1

Lahkawng ya na ai hpang, Dawi hte shi a masha ni Ziklag mare de nhtang du wa ma ai. Amalek masha ni chyawm gaw Yuda mung a dingda daw hte Ziklag mare ni hpe shang gasat nna hpya kau da ma ai. Shanhte gaw dai mare hpe mung nat kau da nhtawm,