1 SAMUELA 27:4 - Jinghpaw Common Language Bible 2009

⁴ Dawi gaw Gat mare de hprawng mat wa sai shiga hpe Shawlu na jang, shi hpe tam shakut ai lam jahkring kau wu ai.

Jinghpaw Hanson Version Bible

⁴ Shing rai Dawi gaw Gat mare de hprawng mat wa ai lam, Shawlu hpe sa tsun mu ai: dai rai nna htawm hpang de shi hpe n tam nu ai.

1 SAMUELA 27:4 ပူးပေါင်းရင်းမြစ်များ

2 SAMUELA 15:18

Hkawhkam wang na sin langa wa shi a man e lai hkawm nga yang, shi a du salang ni yawng mung shi a makau e tsap nang nga ma ai. Shi kaw hkan nang nga ai Gat mare na hpyenla kru tsa hte mung hkawm lai mat wa ma ai;

1 SAMUELA 26:21

Shawlu gaw, “Ngai shut kau ni ai. Nye kasha Dawi e, bai wa rit! Nang gaw nye a asak hpe dai na e jahkrung da ya nga ndai majaw, ngai nang hpe galoi mung n machyi hkra shangun na ni ai. Ngai mahtang mana ni ai! Ndai zawn re ai hkrit hpa amu hpe ngai galaw shut kau ni ai!,” ngu nna htan wu ai.

1 SAMUELA 27:3

Dawi hte shi a masha ni mung dai yang na Gat hkawhkam kaw shanhte a dinghku masha ni hte rau sa nga nga ma ai. Dawi mung shi a madu jan lahkawng rai nga ai Yezrela mare na Ahinoam hte Hkarmela mare na Nabala a gaida jan Abigala yan hte rau sa nga nga wu ai.

1 SAMUELA 27:5

Dawi gaw Ahkisha hpe, “Nang nye a manang nan rai nga n yang gaw, mare kaji langai mi hta ngai hpe nga shangun e. Bai madu e, ndai mare daju hta nang hte rau nga na gaw, nye a matu n ra nga li ai,” ngu nna tsun wu ai.