1 SAMUELA 27:10 - Jinghpaw Common Language Bible 2009

¹⁰ “Ndai aten hta nang gara hkan e hkan hpya hkawm nga n ni?,” ngu nna shi hpe san ai shaloi, Dawi gaw shi hpe Yuda mung a dingda daw shing n rai Yeramela lakung lama ni nga ai lamu ga, shing n rai Keni masha ni nga ai lamu ga de du hkra sa gasat ga ai, ngu nna tsun na mu ai.

Jinghpaw Hanson Version Bible

¹⁰ Shaloi Ahkisha gaw, “Dai ni nanhte kadai hpe sa gasat myit ta?” ngu nna san wu yang, Dawi gaw, “Yuda mung Dingda, Yeramela mung Dingda, Keni mung Dingda maga hkan e sa gasat ga ai,” ngu nna htan mu ai.

1 SAMUELA 27:10 ပူးပေါင်းရင်းမြစ်များ

NINGPAWT NINGHPANG 27:24

rai ti mung, “Nang teng teng Esaw rai nga n ni?,” ngu nna bai kahtap san wu ai. Shi mung, “Ngai rai nga nngai,” ngu nna htan wu ai.

2 SAMUELA 17:20

Absalom a du salang ni dai nta de sa nhtawm numsha dai hpe, “Dai rai taw, Ahimaza hte Yonahtan yan kanang rai nga ma ta?,” ngu nna san ma ai. Numsha mung, “Hka wora hkran de rap mat wa masai,” ngu nna htan wu ai. Dai masha ni shan hpe hkan tam yu ma ti mung n mu jang, Yerusalem mare de shanhte bai nhtang mat wa ma ai.

1 HKAWHKAM LABAU 2:25

Hezron a kasha alat Yeramela gaw shadang sha manga lu nga ai; dai ni gaw kasha alat Ram, Buna, Oren, Ozem, hte Ahiya ni rai ma ai.

1 HKAWHKAM LABAU 2:9

Hezron gaw shadang sha masum lu nga ai; dai ni gaw Yeramela, Ram hte Hkaleb ni rai nga ai.

SHAKAWN KUNGDAWN 119:163

Ngai gaw masu magaw ga ni mahkra hpe n ju n dawng ai hte matsat nga nngai, rai ti mung, na a tara hpe chyawm gaw ngai tsaw ra nngai.

SHAKAWN KUNGDAWN 119:29

Shut ai lam hta hkawm sa nga ai kaw na ngai hpe sharai la e; na a mai kaja ai lam hta, ngai hpe na a tara sharin ya e.

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

BU HKAWM 24:21

Shi gaw shi a shingran hta Keni masha ni hpe mu wu ai rai nna ndai myihtoi ga tsun shapraw wu ai: “Nanhte shanu nga ai shara gaw shim nga myit dai; Ninggam ntsa e u tsip tsip da lu ai zawn shim nga myit dai.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

TARA AGYI 1:16

Mawshe a katsa a matu mara rai nga ai Keni masha ni mung Yuda amyu matu ni hte rau Yerihko ngu ai Namhtan hpun mare kaw nna Arad shara a dingda maga na Yuda nam mali de sa nhtawm, dai yang e nga ai Amalek masha ni hte rau nga nga ma ai.

TARA AGYI 4:11

Dai aten hta Mawshe a kahkau Hoba a amyu matu hta na Keni masha Hebera gaw Keni masha gale hte hka nna Kedesha makau na Zananim shara na wamyi hpun nhpang e sum gap nna nga nga sai.

TARA AGYI 5:24

Keni masha Hebera a madu jan Yaela gaw numsha danghta hta grau a htum lu nu ai; sum ni hta nga ai numsha danghta ni hta grau a htum nu ai.

1 SAMUELA 15:6

Ya shi gaw Keni masha ni hpe shadum jahprang ga shana dat wu ai gaw, Israela masha ni Egutu mung kaw nna pru wa ma ai shaloi, nanhte a kaji kawa ni shanhte hpe matsan yu dum la manit dai majaw, “Amalek masha ni hte hpawn nanhte hpe n sat kau hkrup myit ga, shanhte kaw na hkawm pru mat wa mu.” Shaloi, Keni masha ni mung pru mat wa ma ai.

1 SAMUELA 21:2

Dawi gaw, “Hkawhkam wa shangun ai amu a majaw ndai de du sa ai rai nngai. Shi ngai hpe galaw shangun dat ai amu, kadai hpe mung hkum chye shangun nga nna ngai hpe htet dat ai. Ya nye a masha ni hpe chyawm gaw masat da ai shara langai hta ngai hte hkrum ga ngu nna shanhte hpe tsun dan mase ai.

1 SAMUELA 23:27

Dai shaloi kasa langai mi du nna Shawlu hpe, “Ya jang nhtang wa rit! Hpilisti masha ni anhte a mungdan de gasat shang wa mara ai!,” ngu nna sa tsun wu ai.

1 SAMUELA 27:11

Dawi gaw kadai mung Gat mare de n wa lu hkra mung, shi hte shi a masha ni teng teng galaw sai amu a lam n wa tsun dan hkra, masha shagu hte hpe mung, numsha, lasha ni hpe mung sat kau na wu ai. Ndai lam ni hpe Dawi shi Hpilisti mung e naw nga ai aten ting hta dai hku sha agalaw nga na wu ai.

1 SAMUELA 29:8

Dawi gaw, “Madu e, ngai hpa baw galaw shut kau sata? Ataw, nang tsun ai hte maren nga yang, nang hpe ngai nnan daw jau hpang ai shani kaw nna dai ni du hkra ngai hta hpa mara mung nang n mu ai nga ai n rai ni? Dai rai yang me, nye a madu hte hkawhkam rai nga ai nang hte rau na a gumlau hpyen ni hpe ngai hpa majaw n mai pru gasat ang nga a ni?,” ngu nna htan wu ai.

1 SAMUELA 30:29

hte Rahkala mare na masha ni hpang de mung, Yeramela lakung lama ni hpe mung, Keni masha ni hpe mung,