1 SAMUELA 26:7 - Jinghpaw Common Language Bible 2009

⁷ Dawi yan Abishai gaw Shawlu a dap de, dai shana e shang ma yang, shi a baw nhtung e nri hpe ga hta jung da nna, dap ka-ang e yup nga ai Shawlu hpe sa mu ma ai. Abna hte hpyen hpung ni chyawm gaw shi a grup grup hkan e yup nga ma ai.

Jinghpaw Hanson Version Bible

⁷ Shing rai Dawi yan Abishai gaw dai dap de shana e sa wa ma ai: shaloi, yu u, Shawlu gaw, leng dap a ka-ang e yup nga nna, shi a ri gaw baw nhtung e ga hta jung da wu ai: Abna hte shi a masha ni gaw grup yin e yup nga ma ai.

1 SAMUELA 26:7 ပူးပေါင်းရင်းမြစ်များ

NINGPAWT NINGHPANG 45:19

Shanhte a madu jan ni hte kaji ai ma ni, shanhte hte rau kawa hpe mung htaw la na matu, ndai Egutu mung na leng ni hpe la wa na shanhte hpe tsun u.

1 SAMUELA 17:20

Dawi gaw hpang jahpawt jau jau rawt nna, sagu ni hpe rem ai wa langai ngai a lata hta ap kau da nhtawm, Yese shi hpe tsun matsun ai hte maren, lusha la gun nna pru mat wa wu ai. Israela amyu masha ni shanhte tsap dingren ai majan pa de pru sa wa let hpyen garu nga ma yang, Dawi gaw dap de shang wa wu ai.

1 SAMUELA 26:6

Dai hpang, Dawi gaw Hiti masha Ahimelek hte Yoab a kanau Abishai, (shan a kanu gaw Zeruia rai nga ai) yan hpe, “Nan hta na kadai mahtang Shawlu a dap de ngai hte rau sa na myit ni?,” ngu nna san wu yang, Abishai mahtang, “Ngai hkan na nngai,” ngu nna htan wu ai.

1 SAMUELA 26:8

Abishai gaw Dawi hpe, “Karai Kasang gaw na a gumlau hpyen wa hpe na a lata hta dai na ap ya ra ai. Dai rai nna shi a nri hte nan aga de hkrang hkra kalang lata shi hpe galun htinggrang kau we ga, lahkawng lang pyi n kahtap ra na nngai!,” ngu nna tsun wu ai.