1 SAMUELA 26:6 - Jinghpaw Common Language Bible 2009

⁶ Dai hpang, Dawi gaw Hiti masha Ahimelek hte Yoab a kanau Abishai, (shan a kanu gaw Zeruia rai nga ai) yan hpe, “Nan hta na kadai mahtang Shawlu a dap de ngai hte rau sa na myit ni?,” ngu nna san wu yang, Abishai mahtang, “Ngai hkan na nngai,” ngu nna htan wu ai.

Jinghpaw Hanson Version Bible

⁶ Shaloi Dawi gaw, “Ngai hte rau dap de Shawlu kaw, kadai hkan sa na myit ta?” ngu nna Hiti masha Ahimelek yan Zeruia kasha Yoab a kanau Abishai hpe san mu yang, Abishai mahtang, “Ngai hkan nang na nngai,” ngu wu ai.

1 SAMUELA 26:6 ပူးပေါင်းရင်းမြစ်များ

NINGPAWT NINGHPANG 10:15

Hkanan a shadang sha ni hta alat Sidon hte Het rai ma ai. Shan a amying hta hkan nna amyu bawsang ni a kaji kawa ni tai wa masai.

NINGPAWT NINGHPANG 15:20

Kadmoni, Heti, Hperizi, Rehpim,

NINGPAWT NINGHPANG 23:3

Abraham gaw shi a madu jan a si mang hpe sharawn tawn ai shara kaw nna pru mat wa nhtawm Heti masha ni hpang de sa mat wa let,

NINGPAWT NINGHPANG 26:34

Ya Esaw a asak mali shi ning du jang, Heti numsha lahkawng rai nga ai Eri a shayi sha Yudit hte Elon a shayi sha Basemat yan hpe la wu ai.

2 SAMUELA 11:21

Gidon a kasha Abimelek kaning rai sat kau hkrum nga ai hpe nanhte n dum manit ni? Dai gaw Htebeza mare hta num langai mi htumrin nlung langai la nhtawm bunghku ntsa kaw nna kabai jahkrat nna shi hpe sat kau nga ai. Dai rai yang, nanhte gaw hpa majaw bunghku de shade de wa kahtep sa myit ni?,’ ngu nna san mai nga ai. Dai re ai majaw hkawhkam wa nang hpe dai lam san wa ai rai yang, shi hpe, ‘Na a du Uria mung sat kau hkrum nga nu ai,’” ngu nna tsun dan u ngu wu ai.

2 SAMUELA 11:24

Shanhte gaw anhte hpe bunghku ntsa kaw nna ndan ni hte hkap gap nga ma ai majaw Madu hkawhkam a du salang nkau mi sat kau ai hkrum nga ga ai; na a du Uria mung sat kau ai hkrum mat nu ai,” ngu nna tsun dan wu ai.

2 SAMUELA 11:6

Shaloi Dawi gaw Yoab hpe shiga shana dat wu ai: “Hiti masha Uria hpe ngai hpang de sa shangun dat rit.” Dai rai nna Yoab mung shi hpe Dawi hpang de shangun dat ya wu ai.

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

2 SAMUELA 18:5

Shi gaw Yoab, Abishai hte Itai ni hpe ning ngu nna hkang dat wu ai: “Nye a myi man tau let, shabrang wa Absalom hpe lata hkum du ya mi.” Shing nga nna Dawi gaw shi a du ni hpe hkang dat ai ga hpe hpyen hpung ni yawng na ma ai.

2 SAMUELA 2:13

Kanu Zeruia a kasha Yoab hte Dawi a du salang ni gaw shanhte hte hka lawng e sa hkrum nga ma ai rai nna hka lawng a maga mi de hpung mi, bai kaga maga mi de hpung mi rai, shanhte yawng dung jawng nga ma ai.

2 SAMUELA 2:18

Dai majan hta Zeruia a kasha masum rai nga ai Yoab, Abishai hte Asahela ni lawm nga ma ai. Asahela chyawm gaw chyahkyi zawn kagat chyang lu ai wa rai nna,

2 SAMUELA 23:18

Yoab a kanau Abishai (shan a kanu Zeruia) gaw dai gumhkawng ai share “Sumshi” a ningbaw rai nga ai. Shi gaw masha masum tsa hpe shi a nri hte sat kau lu ai wa re majaw, “Dai Sumshi” hta mying gumhkawng ai wa tai wa sai.

1 HKAWHKAM 10:29

Egutu mung na shapraw ai gumra leng manu ni gaw shanhte a lata hta rai nga ai. Shanhte gaw Hiti hte Suri hkawhkam ni hpe gumra ni hte gumra leng ni hpe dut ya nga ma ai; shing rai leng langai mi hpe gumhpraw 600 hte gumra langai mi hpe gumhpraw 150 hte ging dan ai hku dut ma ai.

2 HKAWHKAM 7:6

Dai Madu gaw luksuk kaba hta gumra ni, hpyen leng ni hte htim lung wa ai zawn nga ai nsen Suri masha ni hpe na shangun ai rai nna, Israela hkawhkam gaw shanhte hpe htim gasat na matu Hiti hte Egutu hkawhkam yan hte shanhte a hpyen luksuk ni hpe karum hpyi saw shaga nu ai, ngu nna myit nawn la mu ai.

YAWSHU 3:10

Nanhte rawt lung wa myit yang, shi gaw Hkanani, Hiti, Hiwi, Perizi, Girgashi, Amori hte Yebusi masha ni hpe teng teng gawt shapraw kau na rai wu ai. Ahkrung nga ai Karai Kasang gaw nanhte hte rau rai nga ai hpe nanhte chye lu na rai myit dai.

1 SAMUELA 26:7

Dawi yan Abishai gaw Shawlu a dap de, dai shana e shang ma yang, shi a baw nhtung e nri hpe ga hta jung da nna, dap ka-ang e yup nga ai Shawlu hpe sa mu ma ai. Abna hte hpyen hpung ni chyawm gaw shi a grup grup hkan e yup nga ma ai.