1 SAMUELA 26:21 - Jinghpaw Common Language Bible 2009

²¹ Shawlu gaw, “Ngai shut kau ni ai. Nye kasha Dawi e, bai wa rit! Nang gaw nye a asak hpe dai na e jahkrung da ya nga ndai majaw, ngai nang hpe galoi mung n machyi hkra shangun na ni ai. Ngai mahtang mana ni ai! Ndai zawn re ai hkrit hpa amu hpe ngai galaw shut kau ni ai!,” ngu nna htan wu ai.

Jinghpaw Hanson Version Bible

²¹ Dai rai nna Shawlu gaw, “Ngai shut ni ai; ngai sha Dawi e, bai wa rit; dai ni nang nye a asak hpe lahpawt ya nit dai majaw, ya hpang de n zingri na ni ai: ngai mahtang mana ni ai; ngai grai shut kau se ai,” ngu wu ai.

1 SAMUELA 26:21 ပူးပေါင်းရင်းမြစ်များ

2 HKAWHKAM 1:13

Ya lang mi bai hkawhkam wa gaw du langai hte masha manga shi hpe shangun dat wu ai. Shi gaw kawng de lung wa nhtawm Elia a man e lahput hput di let, “Karai Kasang a masha wa e, ngai hte nye a masha ni hpe matsan dum la e law. Anhte a asak hpe jahkrung da ya mi!

2 HKAWHKAM 1:14

Ya du lahkawng hte shan a masha ni gaw sumsing lamu na wan a majaw sat kau ai hkrum nga masai; rai ti mung chyeju hte ngai hpe matsan dum la e law!,” ngu nna hpyi nem wu ai.

SHAKAWN KUNGDAWN 116:15

Shi a amyu masha ni hta na langai mi si mat wa yang, dai Madu gaw kade wa gawng run machyi nga a hka?

SHAKAWN KUNGDAWN 49:8

Hpa majaw nga yang, masha a asak bunglat gaw nau wa kaba la nga ai;

SHAKAWN KUNGDAWN 72:14

Shanhte a asak ni gaw shi a man e, manu dan nga ai; shi gaw shanhte hpe dip gamyet sha ai hte kaming kamawng du daw sai hkaw re ai amu kaw na mawai la nga ai.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

BU HKAWM 22:34

Balam gaw, “Ngai shut ni ai, ngai hkum shingdang na matu lam e nang tsap nga ndai hpe ngai n chye kau we ai; ya rai ti mung, hkawm matut na lam nye a matu n manu ai ngu nna nang myit lu ai rai yang, ngai nta de bai nhtang wa na nngai,” ngu nna tsun wu ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

1 SAMUELA 13:13

Samuela gaw, “Dai gaw angawk ai bungli rai nga sai. Dai Madu na a Karai Kasang nang hpe jaw ai hkang da ai ga hpe n hkan nit hka. Nang lama madat mara nna hkan sa taw gaw, nang hpe mung, na a matu mara ni hpe mung Israela mung hpe htani htana up shangun na rai wu ai.

1 SAMUELA 15:24

Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.

1 SAMUELA 18:30

Hpilisti hpyen luksuk ni sa gasat ma ti mung, majan gasat shagu kaga Shawlu a du salang ni hta Dawi gaw grau nna awng padang lu la nga wu ai. Shing re ai lam a majaw, Dawi gaw grai kajai gumhkawng ai wa tai wa sai.

1 SAMUELA 24:17

Dai hpang, shi gaw Dawi hpe, “Nang galaw ai lam jaw nga ai; ngai mahtang shut nga nngai. Ngai nang hpe dai zawn shut ai hku galaw kau ti mung nang chyawm gaw ngai hpe grai kaja ai hku galaw nga nit dai!

1 SAMUELA 26:22

Shaloi Dawi gaw, “Madu hkawhkam e, na a nri nang e rai nga ai. Na a masha langai ngai hpe sa la shangun u.

1 SAMUELA 26:24

Dai ni ngai na a asak jahkrung da ya ni ai zawn dai Madu mung ru tsang yawng kaw na dai hte maren ngai hpe galaw nga u ga law!,” ngu nna tsun htang wu ai.

1 SAMUELA 27:4

Dawi gaw Gat mare de hprawng mat wa sai shiga hpe Shawlu na jang, shi hpe tam shakut ai lam jahkring kau wu ai.