1 SAMUELA 26:19 - Jinghpaw Common Language Bible 2009

¹⁹ Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.

Jinghpaw Hanson Version Bible

¹⁹ Nye madu, hkawhkam wa e, ya na a mayam a ga madat mara ya e: Yehowa nan ngai e hpyen na hku nang hpe shadut ndai rai yang gaw, shi hkungga hkap la u ga: shing n rai, shinggyim masha e shadut ai rai yang gaw, Yehowa man e dagam dala hkrum sha mu ga: kaning rai nme nga yang, shanhte ngai hpe, ‘Hprawng u; Hpara shaje tam naw wa nu,’ nga nna Yehowa a Sali ga hta n nga lu hkra, dai ni pyi gawt kau nga myit hka.

1 SAMUELA 26:19 ပူးပေါင်းရင်းမြစ်များ

NINGPAWT NINGHPANG 44:18

Yuda chyawm gaw Yosep hpang de sit lung wa nna, “Madu e, chyeju hte nang hte n dut n dang ga shaga lu na ahkang jaw e law; ngai hpe mung masin hkum pawt et; nang gaw hkawhkam wa zawn rai nga ndai.

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

2 SAMUELA 14:16

Karai Kasang gaw shi a amyu masha ni hpe jaw ya ai lamu ga kaw na anhte hpe htawt kau na kaw na mung, nye a kasha hte ngai hpe sat kau na matu shakut nga ai wa a lata kaw na mung, ngai hpe hkye la na lam mung, ngai tsun ai ga hpe nang madat ya na rai nga ndai hpe mung ngai myit nawn da we ai.

2 SAMUELA 16:10

Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

2 SAMUELA 16:11

Dawi gaw Abishai hte shi a du salang ni yawng hpe, “Nye a kasha nan ngai hpe sat na tam shakut nga ai rai yang mung, ndai Benyamin masha ni hta nanhte hpa majaw mau kajawng shara naw nga a ni? Dai Madu shi hpe matsa shangun nga sai majaw shi hpe chyu sha tawn da nna, ra mi matsa jung nga shangun ga.

2 SAMUELA 20:19

Anhte a mare gaw kaba ai mare langai mi rai nna Israela mung hta grau nna ngwi pyaw sim sa htum ai hte sadi dung htum ai mare langai mi rai nga ai. Nang gaw ndai mare hpe hpa majaw jahten sharun kau mayu nga n ta? Dai Madu madu da ai mare hpe nang sharun jahten kau mayu nga n ni?,” ngu nna tsun wu ai.

2 SAMUELA 21:3

Dai re ai majaw Dawi gaw Gibeon masha ni hpe shaga la nhtawm, “Nanhte a matu ngai hpa galaw ya lu na rai ta? Dai Madu a amyu masha ni hpe nanhte shaman ya lu myit ga, nanhte hpe galaw shut kau sai amu a matu ngai htingrat ya mayu nga nngai,” ngu nna shanhte hpe tsun wu ai.

2 SAMUELA 24:1

Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

1 HKAWHKAM LABAU 21:1

Satan gaw Israela amyu masha ni hpe sharu shatsang mayu wu ai majaw yuptung jahpan hta na matu Dawi hpe myit daw dan shangun wu ai.

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

SHAKAWN KUNGDAWN 20:4

Nang ra sharawng ai hpa hpe rai tim, shi nang hpe jaw ya u ga; na a yaw shada ai lam yawng mayawng hte hpe awng dang shangun u ga.

GA SHAGAWP 30:10

Madu man e, shangun ma wa hpe galoi mung mara tam ai ga hkum shatan et. Shing rai yang, dagam dala ai gaw nang hkrum nna, de a nni nkri hpe hkam sha ra na rin dai.

ESAIA 60:5

Nang gaw dai lam hpe mu nna kabu gara ai hte hpring na ndai; Nang gaw myit n dawt ai hte hkrit gari wa na ndai. Masha amyu baw ni a sut gan nang hpang de la sa na mara ai; Panglai din ai shara hkan na shanhte a sut gan ni du sa wa na mara ai.

JAW JAU 26:31

Nanhte hpe grau sawng mat hkra matsat kau mawe ai majaw nanhte a mare ni hpe ngai hpya ayai kau nhtawm nawku ai shara ni hpe jahten sharun kau na we ai. Nanhte a shagu hkungga ni hpe hkap la na we ai n rai.

BU HKAWM 36:7

Israela masha shagu a sali ga gaw shi a amyu bawsang ni hta sha machyu nga na rai nga ai.

BU HKAWM 36:9

dai sali ga gaw amyu bawsang langai kaw na langai de shalai kau lu na n rai nga ai. Amyu bawsang shagu mung tinang hte seng ai sali ga hpe matut nna madu la lu na rai myit dai,” ngu nna tsun wu ai.

ROMA 14:15

Lama rai nna, nang lu sha ai shahpa a majaw na a nhpu nnau wa a myit n pyaw hpa dingbai dingna byin shangun a yang gaw, nang gaw tsaw ra ai lam hta magam bungli galaw hkawm sa nga ndai n rai. Hkristu gaw shi a matu mara si hkam ya nu ai majaw nang sha ai lu sha lama ma a majaw dai wa hpe hkum sharun jahten et.

GALATI 5:12

Nanhte hpe myit shalaw ung ang shangun ai masha ni gaw, matu gadoi hkam ai sha n ga tinang dai mawn la kau yang grau mai na tai nga ai!

2 TIMOHTI 4:14

Janghkam Alexandru gaw ngai hpe n kaja ai law law wa galaw ni ai; shi galaw ai hte maren dai Madu gaw shi hpe bai tai htang jaw na ru ai.

1 SAMUELA 18:10

Hpang shani e, Karai Kasang kaw na n hkru ai wenyi gaw Shawlu hpe akajawng sha sa hkang dat nga ai rai nna, mana langai mi zawn shi a hkaw kata e ndum ndam rai abrawp rawng taw nga ai. Dawi gaw shani shagu shi galaw nga ai hte maren tingse sumpyi dum nga yang, Shawlu gaw nri langai mi lang da nhtawm,

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?

1 SAMUELA 25:24

shi hpe, “Madu e, chyeju hte ngai tsun ai ga madat ya e! Mara shagun hkam na ni ai.

1 SAMUELA 27:1

Dawi gaw, “Lani mi na nhtoi langai ngai hta Shawlu ngai hpe sat kau na ra ai. Dai re ai majaw Hpilisti mung de hprawng shang mat wa ai gaw nye a matu kaja htum ai lam rai na sai. Shaloi Shawlu gaw Israela mung e ngai hpe tam shakut hkawm ai hpe jahkring kau ai hte ngai mung shim nga lu na rai nngai,” ngu nna shi kraw e sumru wu ai.