1 SAMUELA 26:18 - Jinghpaw Common Language Bible 2009

¹⁸ Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?

Jinghpaw Hanson Version Bible

¹⁸ Bai Dawi gaw, “Nye a madu, na a mayam hpe hpa rai hkan shachyut hkawm nga n ta? Ngai hpa shut de ta? Nye a lata hpa mara nga nga a ta?

1 SAMUELA 26:18 ပူးပေါင်းရင်းမြစ်များ

SHAKAWN KUNGDAWN 119:161

Daru magam n-gun atsam rawng ai masha ni gaw ngai hpe n tara ai hku gasat nga ma ti mung; ngai gaw na a tara hpe hkungga nga nngai.

SHAKAWN KUNGDAWN 35:7

Hpa mung n ra ra re ai kaw, shanhte gaw nye a matu mahkam hkam da ma ai, ngai hpe rim bang na matu sung ai nhkun langai mi htu da nga ma ai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

YEREMIA 37:18

Dai hpang, ngai gaw, “Nang ngai hpe htawng hta sharen da shangun na daram, nang hpe mung, na a du salang ni hte amyu masha ni hpe mung, ngai hpa baw ru hka amu galaw shut sata?

YAWHAN 10:32

Yesu gaw, “Ngai galaw na matu nye Wa ngai e ap ya da ai kaja ai amu law law nanhte a man e ngai galaw dan ni ai; dai amu ni hta na gara mahtang a majaw ngai hpe nlung hte kabai mayu myit ta?,” ngu nna san mu ai.

YAWHAN 18:23

Yesu gaw, “Ngai tsun ai ga shut yang gaw hpa baw shut ai lam ndai kaw nga ai ni yawng hpe tsun dan u. Rai ti mung ngai tsun ai ga teng yang gaw, nang hpa rai ngai hpe kahpret n ta?,” ngu nna htan wu ai.

YAWHAN 8:46

Dai yubak mara a majaw ngai hta ra rawng ai ngu nna nanhte hta na kadai wa mahtang madun lu myit ta?

1 SAMUELA 17:29

Dawi gaw, “Ya ngai hpa galaw shut kau sata? Shing ngu nna sha pyi ngai n mai san a ni?,” ngu nna san wu ai.

1 SAMUELA 20:1

Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?