1 SAMUELA 26:16 - Jinghpaw Common Language Bible 2009

¹⁶ Abna e, na a lit hprai kau nga nit dai! Dai Madu hkawhkam shatai da sai na a madu hpe nang atsawm sha n makawp n maga nga ndai majaw, nanhte yawng si ging nga manit dai, ngu ahkrung nga ai dai Madu hta ngai dagam da se ai. Yu mu! Hkawhkam wa a nri kanang e rai nga sata? Shi a baw nhtung makau e tawn da ai ntsin namtau kanang e rai nga sata?,” ngu nna htan wu ai.

Jinghpaw Hanson Version Bible

¹⁶ Nang galaw ai lam n sun nit dai: Yehowa a namman jaw hkam ai wa, nanhte a madu hpe n sin myit dai majaw, Yehowa hkrung nga ai hte maren, nanhte gaw si ging myit dai law. Hkawhkam baw nhpang na ri hte ntsin namtau, kanang nga ai gaw ya yu mu,” ngu nna jahtau wu ai.

1 SAMUELA 26:16 ပူးပေါင်းရင်းမြစ်များ

2 SAMUELA 12:5

Dawi gaw dai sut su ai wa hpe masin grai pawt wu ai rai nna, “Dai zawn re ai masha wa gaw si ging nga ai!,” ngu nna ahkrung nga ai dai Madu hta ngai dagam nngai.

2 SAMUELA 19:28

Nye wa a dinghku masha ni yawng mung madu hkawhkam a lata hte si ging mat ai ni hkrai rai nga ga ai; rai ti mung nang chyawm gaw na a sha ku e shat lusha sha na ahkang ngai hpe jaw ya nit dai. Dai re ai majaw madu hkawhkam kaw na myi man pa ai amu kaga naw hpyi la na ahkang hpa mung n nga sali ai,” ngu nna htan wu ai.

1 HKAWHKAM 2:26

Dai hpang hkawhkam Shawlumon gaw hkinjawng Abiahta hpe, “Na a daidaw buga Anahtot mare de nhtang wa su; nang gaw si ging ai wa rai nga ndai, rai ti mung nye wa Dawi hte rau nang nga nga ai hte yang dai Madu a Ga Shaka Sumpu amu hpe woi hpareng yu nit dai hte shi a ru yak tsin-yam tsindam yawng hpe nang gun hpai karum nit dai majaw ya ngai nang hpe sat kau na de ai n rai,” ngu nna tsun wu ai.

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 79:11

Bawng dung masha ni a madai ai nsen ni hpe madat ya u; si ari daw dan hkrum nga ai ni hpe, na a kaba la ai daru magam n-gun hte shalawt dat u.

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

1 SAMUELA 20:31

Dawi hkrung nga dingsa ndai mungdan hta hkawhkam galoi mung byin na n rai nga ndai hpe nang n myit dum nga sani? Ya sa nna ndai yang e shi hpe woi tawn mu-shi si lu na rai nga ai,” ngu nna tsun wu ai.

1 SAMUELA 24:6

“Dai Madu lata san da sai hkawhkam nye a Madu hpe machyi shangun ai amu kaning re ai kaw na mung, dai Madu ngai hpe hkum kau ya n-ga law! Shi gaw dai Madu lata san da sai hkawhkam rai nga ai majaw ngai shi hpe kachyi mi pyi machyi shangun lu na nngai n rai!,” ngu nna tsun wu ai.

1 SAMUELA 26:11

Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.

1 SAMUELA 26:15

Dawi chyawm gaw, “Abna e, nang gaw Israela amyu masha ni hta galu kaba htum ai wa n rai n ni? Dai re ai mi, na a madu hkawhkam wa hpe nang hpa majaw n makawp maga ya lu nga n ta? Na a madu hpe sa sat kau na nga, masha langai mi dabang kata de, ya sha shang wa nu ai law.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.