1 SAMUELA 26:14 - Jinghpaw Common Language Bible 2009

¹⁴ Shawlu a hpyen hpung ni hte Abna hpe, “E, Abna, ngai tsun ai ga hpe na lu n ni?,” ngu nna jahtau tsun wu ai. Abna mahtang, “Kadai wa dai zawn jahtau nna hkawhkam wa hpe jasu jahprang nga n ta?,” ngu nna bai san dat wu ai.

Jinghpaw Hanson Version Bible

¹⁴ hpyen masha ni hte Nera kasha Abna hpe, “E, Abna, nang gaja n htan n ni?” ngu nna jahtau wu yang, Abna mung, Hkawhkam wa hpe jahtau ai gaw, “kadai rai nga n ta?” ngu nna htan wu ai.

1 SAMUELA 26:14 ပူးပေါင်းရင်းမြစ်များ

2 SAMUELA 2:8

Nera a kasha, Shawlu a luksuk na up hkang du Abna gaw Shawlu a kasha Ishboshet hte rau Yawdan hka rap nna Mahanim mare de hprawng mat wa ma ai.

1 SAMUELA 14:50

Shi a madu jan gaw Ahimaza a shayi sha Ahinoam rai nga ai. Shi a hpyen luksuk hpe up hkang ai wa gaw shi a kawa toi Nera a kasha Abna rai nga ai.

1 SAMUELA 26:13

Dai hpang Dawi gaw kadit wora hkran de rap nhtawm tsawmra gang ai kawng pungding de lung wa nna, shim ai shara du jang,

1 SAMUELA 26:15

Dawi chyawm gaw, “Abna e, nang gaw Israela amyu masha ni hta galu kaba htum ai wa n rai n ni? Dai re ai mi, na a madu hkawhkam wa hpe nang hpa majaw n makawp maga ya lu nga n ta? Na a madu hpe sa sat kau na nga, masha langai mi dabang kata de, ya sha shang wa nu ai law.