1 SAMUELA 26:10 - Jinghpaw Common Language Bible 2009

¹⁰ Dawi gaw, “Dai Madu ahkrung nga ai hte maren, dai Madu nan Shawlu hpe sat kau na ra ai; shing n rai shi a aten du jang, shingra htung hte maren si na ra ai, shing n rai, majan hta si mat na ra ai.

Jinghpaw Hanson Version Bible

¹⁰ Bai Dawi gaw, “Yehowa ahkrung nga ai hte maren, Yehowa shi hpe sat kau na wu ai; shing n rai, shi a si ten du na ra ai; shing n rai, majan hta sa sum si na ra ai.

1 SAMUELA 26:10 ပူးပေါင်းရင်းမြစ်များ

NINGPAWT NINGHPANG 47:29

Yaku gaw si wa na nhtoi ni wa jang, shi a kasha Yosep hpe shaga la nhtawm shi hpe, “Na a lata nye a magyi lapran hta shawn bang nna ngai hpe Egutu mung e n lup makoi da na matu dagam shaka u.

YOBA 14:14

Masha gaw si wa yang, shi bai hkrung wa lu a ni? Rai ti mung, ru yak tsin-yam tsindam hkrum ai ndai aten htum mat ai aten du hkra ala nga let grau mai kaja ai aten ladaw ni hpe la nga na nngai.

YOBA 14:5

Anhte a asak sumri sumdam hpe jau jau daw dan da ya nga sai- anhte gaw shata law law nga lu na ra ai. Nang gaw dai aten ladaw ni hpe masat da ya nga ndai majaw dai gaw galai shai mat wa lu ai n rai.

YOBA 7:1

Shinggyim masha a asak gaw hpyen amu galaw shadut hkrum ai zawn mung, lata amu galaw shaja ai asak hkrun lam zawn mung,

SHAKAWN KUNGDAWN 37:10

Tara n lang ai ni gaw kade nna yang, hkoi mat wa na mara ai; nang shanhte hpe tam yu ti mung, shanhte hpe mu tam na n rai.

SHAKAWN KUNGDAWN 37:13

Rai ti mung, tara n lang ai ni gaw kade n na yang, jahten kau ai hkrum mat na hpe Madu chye nga ai majaw, shi shanhte hpe mani nga ai.

SHAKAWN KUNGDAWN 94:23

Shi shanhte hpe tara n lang ai amu a jaw e, ari jaw na ra ai, shanhte a yubak ni a majaw shanhte hpe jahten kau na ra ai; Madu anhte a Karai Kasang gaw shanhte hpe jahten shamyit kau na mu ai law.

HPAJI NINGLI 3:2

Shi gaw shangai aten hte si aten hpe mung, gat hkai ai aten hte baw kau ai aten hpe mung,

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

TARA JAHPRANG 31:14

Dai hpang dai Madu gaw Mawshe hpe, “Nang gaw aten na na wa naw hkrung nga lu na ndai n rai. Yawshu hpe shaga la nhtawm Sum de woi sa wa rit, ngai shi hpe ga matsun ni tsun we ga,” ngu nna tsun wu ai. Mawshe yan Yawshu mung dai Sum de sa wa ma ai;

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

HEBRE 10:30

Hpa majaw nga yang, “Ngai matai htang na mawe ai, nga nna mung, yubak a shabrai hpe ngai hteng ya na nngai,” nga nna mung, bai dai Madu gaw shi a amyu masha ni hpe tara daw dan na ra ai, nga nna mung, tsun ai wa gaw kadai re ai hpe anhte chye ga ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

SHINGRAN 18:8

Dai lam a majaw, ari zinli ni, yawn hkyen ai lam ana zinli hte hku hku ai lam ni gaw, lani jan hta sha shi kaw du nna, wan hte nat shakrawp kau ai shi hkrum na ra ai. Hpa majaw nga yang, shi hpe tara jeyang daw dan ai Karai Kasang gaw, n-gun atsam kaba rawng nga ai,” nga nna tsun ai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.

1 SAMUELA 24:15

Dai Madu gaw an hta na kadai wa shut ai hpe jeyang nna daw dan hparan ya nu ga. Ndai lam hpe shi mada yu nna, ngai hpe makawp maga la ai hte na a lata kaw na mung hkye la u ga law,” ngu nna tsun wu ai.

1 SAMUELA 25:26

Na a gumlau hpyen ni hpe sat na hte matai htang mayu nga ai kaw na, dai Madu nang hpe hkum da nga nit dai majaw, na a gumlau hpyen ni hte nang hpe machyi shangun mayu ai ni yawng gaw Nabala zawn ari jaw ai hkrum nga mu ga, ngu nna ahkrung nga ai dai Madu hta ngai dagam da nga nngai.

1 SAMUELA 25:38

Dai hpang shi ya dang na jang, dai Madu gaw Nabala hpe sat kau ai hte shi si mat sai.

1 SAMUELA 25:39

Nabala si mat sai shiga hpe Dawi na ai shaloi, shi gaw, “Dai Madu hpe shakawn mu! Shi gaw ngai hpe n kaw n law di ai Nabala hpe matai dawp nu ai hte shut hpyit amu galaw shapraw na shi a shangun ma ngai hpe mung hkum kau nu ai. Dai Madu gaw shi galaw ai n hkru ai amu a majaw Nabala hpe ari jaw kau nu ai,” ngu nna tsun wu ai. Dai hpang, Dawi gaw Abigala hpe hkungran la na matu kasa langai shangun dat wu ai.

1 SAMUELA 31:4

Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.

1 SAMUELA 31:6

Dai gaw Shawlu mung, shi a kasha masum hte shabrang wa si mat ai lam rai nga ai. Shawlu a masha ni yawng mung dai shani e si mat shajang ma ai.