1 SAMUELA 25:8 - Jinghpaw Common Language Bible 2009

⁸ Shanhte hpe naw san yu u, shanhte nang hpe tsun dan na mara ai. Anhte gaw lusha poi shani e sa saga ai rai nna Dawi mung anhte hpe atsawm sha hkap hkalum la na matu nang hpe san yu nga ai. Dai re ai majaw, chyeju hte na a shangun ma anhte hpe mung, na a jinghku wa Dawi hpe mung, nang dang di lu ai daram mi chyeju hte jaw dat na lam hkang dat mi ai.”

Jinghpaw Hanson Version Bible

⁸ Na shabrang ma ni hpe san yu u; shanhte tsun na ma ai: dai majaw nye a ma ni nang kaw myi man pa mu ga; anhte mung nhtoi kaja hta du saga ai; nang jaw ra ai made na a mayam ni hte nsha Dawi hpe jaw dat na, ngai hpyi nngai,’ nga ai,” ngu nna tsun na lam hkang dat mu ai.

1 SAMUELA 25:8 ပူးပေါင်းရင်းမြစ်များ

ESHTA 9:19

Dai re ai majaw kahtawng kaji hkan nga ai Yuda masha ni gaw Adara shata shi mali ya shani hpe kabu gara ai bansa shani shatai nhtawm lusha poi galaw nna langai hte langai kumhpa ni karan jaw hkat nga ma ai.

ESHTA 9:22

Dai gaw Yuda masha ni shanhte nan shanhte a gumlau hpyen ni hpe yeng seng kau ai shani rai nga ai majaw myit htum yawn hkyen ai kaw nna kabu gara myit pyaw ai de kayin wa ai shata rai nga ai; shanhte gaw dai shani ni hta lusha poi ni hpe mung, shada hku hkau ka manawt lusha ai lam hpe mung galaw let langai hte langai lusha kumhpa karan nna matsan mayan ni hpe gam jaw gam ya na lam hkan galaw na tsun da hkrum nga ma ai.

HPAJI NINGLI 11:2

Na a arang ni hpe shara shagu, shara law law hkan arang bang u; hpa majaw nga yang, ndai mungkan ga hta n kaja ai baw amu hpa byin na hpe nang galoi mung n chye lu nga ndai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 25:9

Dawi a masha ni mung Dawi a mying gang nna Nabala hpe ndai mungga tsun dan ma ai. Dai hpang shanhte dai yang e ala nga yang,

1 SAMUELA 3:6

Dai Madu gaw Samuela hpe bai shaga wu ai. Dai Madu mahtang shi hpe galoi mung garai n shaga yu wu ai majaw Madu rai nga ai lam hpe dai ma n chye nga ai. Dai rai nna, shi rawt nhtawm Eli hpang de sa nna, “Nang ngai hpe shaga ndai, ndai yang e ngai nga nga nngai,” ngu nna tsun wu ai. Rai ti mung, Eli gaw, “Ngai sha e, ngai nang hpe n shaga nngai, yup ra de nhtang wa su,” ngu nna htan wu ai.