1 SAMUELA 25:7 - Jinghpaw Common Language Bible 2009

⁷ Nang sagu mun rep nga ndai hpe mung shi na wu ai, na a sagu rem ai ni anhte hte rau nga nga yang, shanhte hpe anhte n sharu shatsang ga ai; shanhte Hkarmela e nga nga ma yang, shanhte a arai hpa mung n madu la ai hte hpa mung n lagu la ma ai lam shi nang hpe chye na shangun mayu nga ai.

Jinghpaw Hanson Version Bible

⁷ Nang sagu mun rep ga saw ai lam ngai na nngai; na a sagu rem ai ni anhte hte rau nga yang, anhte shanhte hpe hpa mung n sharu ga ai: shanhte Hkarmela bum e nga nga ai hte yang, shanhte a arai hpa mung n mat malu ai.

1 SAMUELA 25:7 ပူးပေါင်းရင်းမြစ်များ

2 SAMUELA 13:23

Ya lahkawng ning lai jang, Absalom gaw Ehprim mare makau na Bala Hazora shara e shi a sagu mun ni hpe rep nga ai rai nna dai shara de hkawhkam wa a shadang sha ni yawng sa na matu saw shaga dat wu ai.

2 SAMUELA 13:24

Shi gaw Hkawhkam Dawi kaw shang nhtawm, “Madu hkawhkam e, nye a sagu mun ni hpe ngai rep nga nngai. Dai rai nna nang hte na a du salang ni dai poi hta sa shang lawm lu na myit dai kun?,” ngu nna tsun wu ai.

LUKA 3:14

Hpyenla ni mung, “Anhte wa gaw kaning rai na rai ta? Anhte hpa rai ta?,” nga nna shi hpe san ma ai. Shi gaw, “Kadai wa kaw na mung adip arip di nna, gumhpraw hkum kashun la myit, n tara ai hku mara hkum shagun myit, nanhte lu ai shabrai hte myit dik dum nga mu,” ngu nna shanhte hpe tsun mu ai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

1 SAMUELA 22:2

Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.

1 SAMUELA 25:21

Dawi gaw, “Ndai nam mali e, ndai manang wa a sut gan hpe ngai hpa majaw makawp maga ya kau ni ai kun? Shi madu da ai arai lama mi hpe mung lagu la kau ya nga ga ai n rai. Dai gaw ngai shi hpe jaw ai karum la ai lam a majaw shi ngai hpe bai htang ai she rai nu hka!