1 SAMUELA 25:12 - Jinghpaw Common Language Bible 2009

¹² Dawi a masha ni mung shi hpang de nhtang wa nhtawm Nabala kaning nga tsun ai ga shi hpe wa tsun dan ma ai.

Jinghpaw Hanson Version Bible

¹² Shing rai Dawi a ma ni nhtang wa nna, dai ga mahkra shi hpe sa tsun dan mu ai.

1 SAMUELA 25:12 ပူးပေါင်းရင်းမြစ်များ

2 SAMUELA 24:13

Gad gaw shi kaw sa nna dai Madu kaning nga tsun sai lam shi hpe tsun dan let, “Hpa hpe mahtang nang lata la na wu ni? Na a mungdan hta masum ning hku hku na, shing n rai shata masum na a gumlau hpyen ni a lata kaw na hprawng hkawm na, shing n rai na a mungdan hta masum ya tup ana zinli kaba dat dat ya na ra ndai kun? Ya chyawm gaw dai Madu hpe kaning re ai mahtai la wa ya na lam, myit aru yu let, ngai hpe tsun dan e,” ngu nna hpyi tsun wu ai.

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.

1 SAMUELA 25:11

Ngai gaw nye a sagu mun rep ai ni a matu hpajang tawn ai muk, ntsin hte yam nga ashan la nna, kanang na pru wa ai pyi n chye ai ni hpe jau kau na rai nga a ni?,” ngu nna htan wu ai.

1 SAMUELA 25:13

Shi gaw, “Nanhte a nhtu ni hpe hpye da manu!,” ngu nna hkang dat wu ai hte maren, shanhte yawng galaw da ma ai. Dawi mung shi a nhtu hpye la nhtawm shi a masha mali tsa daram hte rau pru mat wa wu ai; lahkawng tsa hte gaw shingdu e arai sin nga ma ai.