1 SAMUELA 25:11 - Jinghpaw Common Language Bible 2009

¹¹ Ngai gaw nye a sagu mun rep ai ni a matu hpajang tawn ai muk, ntsin hte yam nga ashan la nna, kanang na pru wa ai pyi n chye ai ni hpe jau kau na rai nga a ni?,” ngu nna htan wu ai.

Jinghpaw Hanson Version Bible

¹¹ Ngai nye a sagu mun rep ai ni a matu hpajang tawn ai nye muk, nye ntsin hte ngai sat tawn ai shan hpe la nna, kanang na pru ai pyi n chye ai ni hpe jaw kau na kun?” ngu nna htan mu ai.

1 SAMUELA 25:11 ပူးပေါင်းရင်းမြစ်များ

YOBA 31:17

Ngai lusha sha nga yang, jahkrai nmai ni hpe galoi mung kyet si shangun ai n rai.

2 KORINHTU 6:9

Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

1 PETRU 4:9

Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.

TARA AGYI 8:15

Dai hpang Gidon mung Suhkot mare masha ni hpang de sa nhtawm, “Nanhte gaw ngai hpe karum la na matu ningdang kau yu manit dai hpe dum mai nga ai n rai ni? Zeba yan Zalmuna hpe garai n lu rim la we ai majaw hki ba hkawm nga ai nye a hpyen luksuk hpe hpa lusha mung, n jaw lu ga ai, nga nna tsun yu manit dai. Rai sa dai yan gaw ya nang e rai nga ma ai!,” ngu nna tsun wu ai.

TARA AGYI 8:6

Rai ti mung Suhkot mare na ningbaw ni gaw, “Hpa lam a majaw na a hpyen luksuk ni hpe lusha shahpa jaw ang na ga ni? Nang gaw ya du hkra Zeba yan Zalmuna hpe garai n lu rim la sam nga ndai,” ngu nna tsun ma ai.

TARA AGYI 8:8

Gidon mung Penuela mare de matut lung mat wa nhtawm dai yang na masha ni hpe dai zawn hpyi wu ti mung Suhkot mare masha ni jaw ai mahtai zawn sha Penuela masha ni mung hkap jaw ma ai.

1 SAMUELA 24:13

Moi na ga malai hta, ‘N hkru ai amu hpe n hkru ai masha ni chyu sha galaw ma ai,’ ngu nna tsun ai ga hpe mung nang chye nga ndai; dai rai nna nang hpe ngai n machyi hkra na de ai.

1 SAMUELA 25:12

Dawi a masha ni mung shi hpang de nhtang wa nhtawm Nabala kaning nga tsun ai ga shi hpe wa tsun dan ma ai.

1 SAMUELA 25:7

Nang sagu mun rep nga ndai hpe mung shi na wu ai, na a sagu rem ai ni anhte hte rau nga nga yang, shanhte hpe anhte n sharu shatsang ga ai; shanhte Hkarmela e nga nga ma yang, shanhte a arai hpa mung n madu la ai hte hpa mung n lagu la ma ai lam shi nang hpe chye na shangun mayu nga ai.