1 SAMUELA 24:9 - Jinghpaw Common Language Bible 2009

⁹ “Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?

Jinghpaw Hanson Version Bible

⁹ Shing rai Dawi gaw, “Yu u, Dawi nang hpe sat na maw nga ai, nga nna masha ni kajai ai ga, hpa rai madat shut n ta?

1 SAMUELA 24:9 ပူးပေါင်းရင်းမြစ်များ

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 141:6

Shanhte a mung du, salang ni nlung ninggam kaw nna kabai jahkrat kau ai hkrum nga ma ai shaloi; amyu masha ni nye a ga teng man nga ai hpe yin la na mara ai.

GA SHAGAWP 16:28

Kadum kahte ga hpe tara n lang ai masha ni tsun shabra nga ma ai; dai gaw ru yak tsin-yam hpe shalut shalau ya nhtawm, hku hkau ai lam hpe jahten kau ya nga ai.

GA SHAGAWP 17:4

N hkru ai masha ni gaw n shawp n kap ai myit masa lam ni hpe madat nga nna; masu magaw ai masha ni gaw masu ga ni hpe madat nga ma ai.

GA SHAGAWP 18:8

Kadum kahte tsun ai lam gaw grai mu sau nga ai; dai hpe anhte gade sha mayu bang kau dat mayu nga a hka!

GA SHAGAWP 25:23

Dingdung nbung gaw marang hpe htu shangun ai zawn, kadum kahte ai gaw teng teng myit kahtet ai hpe shabyin ya nga ai.

GA SHAGAWP 26:28

Masu magaw ga hte marai langai ngai hpe machyi shangun mayu ai rai yang, nang shi hpe n dawng nga sai re. Sawt ai ga gaw hten run ai hta lai nna, kaga hpa mung n shabyin lu nga ai.

GA SHAGAWP 29:12

Mung du wa gaw n teng n man ai shiga hpe madat yang, shi a rap daw salang ni yawng masu magaw ai ni rai na mara ai.

YEREMIA 37:18

Dai hpang, ngai gaw, “Nang ngai hpe htawng hta sharen da shangun na daram, nang hpe mung, na a du salang ni hte amyu masha ni hpe mung, ngai hpa baw ru hka amu galaw shut sata?

JAW JAU 19:16

Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.

YAKU 3:6

Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

1 SAMUELA 20:1

Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 20:41

Dai ma pru mat wa ai hpang, Dawi gaw nlung sumpum a shingdu kaw nna rawt pru wa nhtawm ga de hput di di let masum lang gum dagup wu ai. Shi hte Yonahtan mahtang shan shada da pup let hkrap nga ma ai; Dawi mahtang Yonahtan hta grau nna yawn nga ai.

1 SAMUELA 24:10

Ya sha, dai Madu gaw nang hpe nye a lata hta lungpu hku e ap ya sai hpe nang hkum nan mu lu na rai ndai. Nye a masha nkau mi mahtang nang hpe sat kau na matu tsun ma ai, rai ti mung nang gaw hkawhkam tai na matu dai Madu lata san da sai wa rai nga ndai majaw ngai nang hpe kachyi mi mung machyi n jahkrum n-ga law, ngu na a matu myit yawn let hkam sha nga nngai.

1 SAMUELA 24:8

Dai hpang, Dawi gaw shi a hpang e hkan pru wa nhtawm shi hpe, “Hkawhkam wa e!,” ngu nna shaga wu ai. Shaloi Shawlu kayin mada dat yu wu yang, Dawi gaw ga de dingnyawm dagup let shagrau hkungga jaw wu ai hte,

1 SAMUELA 26:18

Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.