1 SAMUELA 24:8 - Jinghpaw Common Language Bible 2009

⁸ Dai hpang, Dawi gaw shi a hpang e hkan pru wa nhtawm shi hpe, “Hkawhkam wa e!,” ngu nna shaga wu ai. Shaloi Shawlu kayin mada dat yu wu yang, Dawi gaw ga de dingnyawm dagup let shagrau hkungga jaw wu ai hte,

Jinghpaw Hanson Version Bible

⁸ Dai hpang Dawi mung rawt nna, dai lungpu na pru nhtawm, “Nye a Madu, Hkawhkam wa e,” ngu nna Shawlu a hpang e hkan jahtau wu ai. Shaloi Shawlu kayin mada yu wu yang, Dawi gaw ga e dingnyawm dagup let, nawku nga ai.

1 SAMUELA 24:8 ပူးပေါင်းရင်းမြစ်များ

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

1 HKAWHKAM 1:31

Shaloi Batsheba gaw myi man gum let, “Nye a madu hkawhkam wa gaw htani htana ahkrung nga nu ga law!,” ngu nna tsun wu ai.

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

ROMA 13:7

Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

1 SAMUELA 20:41

Dai ma pru mat wa ai hpang, Dawi gaw nlung sumpum a shingdu kaw nna rawt pru wa nhtawm ga de hput di di let masum lang gum dagup wu ai. Shi hte Yonahtan mahtang shan shada da pup let hkrap nga ma ai; Dawi mahtang Yonahtan hta grau nna yawn nga ai.

1 SAMUELA 24:7

Dai rai nna Dawi gaw Shawlu hpe shanhte n gasat ang ai lam shi a masha ni hpe chye na wa hkra tsun dan wu ai. Shaloi Shawlu gaw rawt nna lungpu hku kaw na pru wa nhtawm bai hkawm matut wu ai.

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?

1 SAMUELA 26:17

Shawlu chyawm gaw Dawi a nsen hpe chye matsing ai rai nna, “Ngai sha Dawi e, dai gaw nang rai nga n ni?,” ngu nna san wu yang, Dawi mung, “Rai nga nngai, Madu hkawhkam e,” ngu nna htan wu ai.

1 SAMUELA 28:14

Shi gaw, “Dai gaw hpa baw hte bung a ta?,” ngu nna san wu ai. Dai numsha gaw, “Dingla langai mi rawt lung wa ai hte ntsa palawng mung hpun da nga ai,” ngu nna htan wu ai. Shawlu gaw dai gaw Samuela rai nga ai hpe shi chye nna ga de dingnyawm gum dagup nhtawm hkungga jaw wu ai.