1 SAMUELA 24:7 - Jinghpaw Common Language Bible 2009

⁷ Dai rai nna Dawi gaw Shawlu hpe shanhte n gasat ang ai lam shi a masha ni hpe chye na wa hkra tsun dan wu ai. Shaloi Shawlu gaw rawt nna lungpu hku kaw na pru wa nhtawm bai hkawm matut wu ai.

Jinghpaw Hanson Version Bible

⁷ Shing nga nna Dawi gaw, shi a masha ni hpe tsun let, Shawlu hpe lata shadu na hkum kau wu ai. Shawlu mung rawt nna lungpu na pru hkawn wa ai.

1 SAMUELA 24:7 ပူးပေါင်းရင်းမြစ်များ

2 SAMUELA 1:14

Dawi gaw shi hpe, “Dai Madu lata san da sai hkawhkam wa hpe nang kaning di sat gwi nga n ta?,” ngu nna san wu ai.

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 24:6

“Dai Madu lata san da sai hkawhkam nye a Madu hpe machyi shangun ai amu kaning re ai kaw na mung, dai Madu ngai hpe hkum kau ya n-ga law! Shi gaw dai Madu lata san da sai hkawhkam rai nga ai majaw ngai shi hpe kachyi mi pyi machyi shangun lu na nngai n rai!,” ngu nna tsun wu ai.

1 SAMUELA 24:8

Dai hpang, Dawi gaw shi a hpang e hkan pru wa nhtawm shi hpe, “Hkawhkam wa e!,” ngu nna shaga wu ai. Shaloi Shawlu kayin mada dat yu wu yang, Dawi gaw ga de dingnyawm dagup let shagrau hkungga jaw wu ai hte,

1 SAMUELA 25:33

Na a mai kaja ai machye machyang hpaji a majaw mung, masha sat amu hte nye a myit machyu nna matai n dawp na matu ngai hpe sa hkum ai amu ndai hpe dai ni nang galaw nit dai majaw mung Karai Kasang gaw nang hpe chyeju jaw ya nga u ga law.

1 SAMUELA 26:23

Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.