1 SAMUELA 24:22 - Jinghpaw Common Language Bible 2009

²² Dawi mung shi shatup na lam, ga sadi jaw dat wu ai. Dai hpang Shawlu mung nta de nhtang mat wa nhtawm Dawi hte shi a masha ni mung shanhte makoi ai shara de nhtang mat wa ma ai.

Jinghpaw Hanson Version Bible

²² Dawi mung, Shawlu a matu dagam ya wu ai; shing rai Shawlu gaw shi a nta de bai wa mat ai; Dawi hte shi a masha ni chyawm gaw, ngang shim ai shara ni de sa wa ma ai.

1 SAMUELA 24:22 ပူးပေါင်းရင်းမြစ်များ

NINGPAWT NINGHPANG 21:22

Dai aten hte yang, Abimelek gaw shi a hpyen du Hpikola hte rau sa nna Abraham hpe, “Nang galaw ai lam shagu hta Karai Kasang nang hte rau nga nga ai.

NINGPAWT NINGHPANG 21:23

Dai rai nna ngai hpe mung, nye a kashu kasha ni hte matu mara ni hpe mung, nang n masu hkalem kau ai sha, na a ntsa e ngai sadi dung lai wa ai zawn nang mung nye a ntsa hte ya nang shanu nga ai ndai mung a ntsa e mung, sadi dung nga na ga sadi ndai shara Karai Kasang a man e dagam da e,” ngu nna tsun wu ai.

2 SAMUELA 21:6

Dai re ai majaw shi a shadang sha sanit hpe ap ya mi; dai Madu lata san da sai Hkawhkam Shawlu a mare ngu na Gibea e dai Madu a man hta shanhte hpe noi da na ga ai,” ngu nna htan ma ai. Hkawhkam wa mung, “Ngai shanhte hpe ap ya na de ai,” ngu nna htan wu ai.

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

YAWHAN 2:24

Rai ti mung Yesu gaw, masha yawng mayawng a lam chye da wu ai majaw, shanhte hpe n kam da mu ai.

1 SAMUELA 23:29

Dawi mung dai kaw nna pru wa nhtawm Engedi ginwang de sa wa nna sa makoi nga wu ai.

1 SAMUELA 26:25

Shawlu gaw Dawi hpe, “Nye a kasha e, nang hpe Karai Kasang shaman ya nga u ga law! Nang galaw ai lam shagu awng dang nga lit ga law!,” ngu nna tsun wu ai. Dai rai nna Dawi mung shi a lam de hkawm mat wa nhtawm Shawlu mung shi a nta de nhtang mat wa wu ai.