1 SAMUELA 24:21 - Jinghpaw Common Language Bible 2009

²¹ Rai ti mung, nye a mying hpe mung, nye a dinghku masha ni a lakung lama mying ni hpe mung tsep kawp n malap kau hkrum u ga, nye a amyu matu mara ni hpe naw shangam da ya na, dai Madu a mying ningsang hta ngai hpe ga sadi jaw e law,” ngu nna tsun wu ai.

Jinghpaw Hanson Version Bible

²¹ Dai re ai majaw, nye a amyu matu ni hpe nang n shamyit kau ya ai sha, nye wa a lakung lama ni hta na nye a mying hpe n shamat kau ya na lam, Yehowa hta gang nna, ngai hpe dagam ya e,” ngu nna Dawi hpe tsun wu ai.

1 SAMUELA 24:21 ပူးပေါင်းရင်းမြစ်များ

NINGPAWT NINGHPANG 21:23

Dai rai nna ngai hpe mung, nye a kashu kasha ni hte matu mara ni hpe mung, nang n masu hkalem kau ai sha, na a ntsa e ngai sadi dung lai wa ai zawn nang mung nye a ntsa hte ya nang shanu nga ai ndai mung a ntsa e mung, sadi dung nga na ga sadi ndai shara Karai Kasang a man e dagam da e,” ngu nna tsun wu ai.

NINGPAWT NINGHPANG 31:48

Laban gaw Yaku hpe, “Ndai nlung sumpum gaw an lahkawng a matu myit dum sakse tai nga na ra ai,” ngu nna tsun wu ai. Dai rai nna dai shara hpe Galeda ngu nna shamying mu ai.

NINGPAWT NINGHPANG 31:53

Abraham a Karai Kasang hte Nahora a Karai Kasang gaw an a lapran e jeyang ya nu ga,” ngu nna tsun wu ai. Dai hpang Yaku gaw ndai ga sadi grin nga u ga, shi kawa Isak nawku ai Karai Kasang a mying nsang hte dagam shaka da wu ai.

HEBRE 6:16

Masha gaw dagam ai ga tsun ai shaloi tinang hta grau kaba ai wa langai ngai a mying gang nna dagam ga ma ai hte shanhte a ndang kalang hkat ai lam yawng hpe dai dagam ai ga hte shagrin shangut kau lu ma ai.

1 SAMUELA 23:17

shi hpe, “Hkum hkrit nga et. Nye a kawa Shawlu nang hpe machyi shangun lu na n rai wu ai. Nang gaw Israela a hkawhkam tai wa na lam hpe mung, ngai mung na a lawu na aya hpe hkam la lu na lam hpe mung, shi atsawm sha chye da nga ai.”

1 SAMUELA 25:28

Madu e, chyeju hte ngai galaw shut kau sai mara ni hpe raw dat ya e law. Nang chyawm gaw nang hkrung nga ai hte yang, n hkru ai amu hpa mung n galaw nga ndai hte shi a majan ni hpe nang gasat ya nga ndai majaw dai Madu gaw nang hpe mung, na a matu mara ni hpe mung hkawhkam shatai na ra ai.

1 SAMUELA 25:30

Dai Madu gaw nang hpe ga sadi tawn da nu ai hte maren, mai kaja ai amu yawng mayawng hpe galaw da ngut jang, nang hpe Israela hkawhkam shatai na ra ai rai nna,