1 SAMUELA 24:19 - Jinghpaw Common Language Bible 2009

¹⁹ Masha wa mi shi a gumlau hpyen wa hpe kade lang lu rim tim, n machyi jahkrum ai sha dat kau shangun mai nga a ni? Dai ni nang ngai hpe galaw nit dai amu a majaw, dai Madu gaw nang hpe shaman ya nga u ga law!

Jinghpaw Hanson Version Bible

¹⁹ Masha wa mi tinang hpyen hte katut sayang, apyaw sha adat dat lu a ni? Dai rai nna, dai ni ngai hta nang madun ai chyeju gaw Yehowa htang ya nit ga law.

1 SAMUELA 24:19 ပူးပေါင်းရင်းမြစ်များ

SHAKAWN KUNGDAWN 18:20

Ding man ai amu hpe ngai galaw ai majaw, Madu gaw ngai hpe shagrau nga ai; ngai gaw mara n kap ai wa rai nga nngai majaw, shi ngai hpe shaman ya nga ai.

TARA AGYI 17:2

Shi gaw shi a kanu hpe, “Marai langai ngai nang kaw na gumhpraw hkying mi latsa lagu la kau ya ai shaloi, dai lagut wa hpe nang matsa kau nga ndai. Nang dai hku galaw ai hpe ngai na nngai. Yu u, dai gumhpraw ngai lu nngai. Dai hpe la ai wa gaw ngai rai nga nngai,” ngu nna tsun wu ai. Shaloi shi a kanu gaw, “Ngai sha e, dai Madu gaw nang hpe shaman ya u ga law!,” ngu nna tsun wu ai.

RUHTA 2:12

Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.

1 SAMUELA 23:17

shi hpe, “Hkum hkrit nga et. Nye a kawa Shawlu nang hpe machyi shangun lu na n rai wu ai. Nang gaw Israela a hkawhkam tai wa na lam hpe mung, ngai mung na a lawu na aya hpe hkam la lu na lam hpe mung, shi atsawm sha chye da nga ai.”

1 SAMUELA 23:21

Shawlu gaw, “Nanhte ngai hpe matsan dum manit dai majaw, dai Madu gaw nanhte hpe shaman ya nga u ga law!

1 SAMUELA 26:23

Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.

1 SAMUELA 26:25

Shawlu gaw Dawi hpe, “Nye a kasha e, nang hpe Karai Kasang shaman ya nga u ga law! Nang galaw ai lam shagu awng dang nga lit ga law!,” ngu nna tsun wu ai. Dai rai nna Dawi mung shi a lam de hkawm mat wa nhtawm Shawlu mung shi a nta de nhtang mat wa wu ai.