1 SAMUELA 24:16 - Jinghpaw Common Language Bible 2009

¹⁶ Dawi gaw dai ga ni hpe shaga ngut ai shaloi, Shawlu gaw, “Nye kasha Dawi e, nang teng sha rai nga a ni?,” ngu tsun let shi jahtau hkrap hpang wa wu ai.

Jinghpaw Hanson Version Bible

¹⁶ Dawi shing nga Shawlu hpe tsun ngut jang, Shawlu gaw, “Ngai sha Dawi e, dai gaw na a nsen rai ni?” nga nna san let, jahtau hkrap wu ai.

1 SAMUELA 24:16 ပူးပေါင်းရင်းမြစ်များ

NINGPAWT NINGHPANG 16:5

Dai hpang Sarai gaw Abram hpe, “Ya Hagara ngai hpe n kaw n law di ai gaw na a mara rai lit ga. Ngai hkum nan na a lata hta shi hpe ap ya ni ai. Ya shi na-um nasin rai sai hpe shi chye ai hte ngai hpe n kaw n law di kau ni ai. An kadai mahtang teng man nga ai gaw nang hte ngai hpe dai Madu jeyang ya u ga!,” ngu nna tsun wu ai.

NINGPAWT NINGHPANG 2:2

Karai Kasang gaw sanit ya nhtoi hta e, shi galaw nu ai amu magam hpe shangut shakre nna bungli galaw ai hpe jahkring da nga ai.

NINGPAWT NINGHPANG 33:4

Rai ti mung, Esaw mahtang shi hte hkrum lu hkra gat sa wa nna, shi hpe ahpum da let pup wu ai. Shan nau lahkawng yan hkrap ma ai.

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

YOBA 6:25

Ding man ai ga gaw chye na shangun nga ai, rai ti mung nanhte mahtang ga laban shaga nga myit dai.

SHAKAWN KUNGDAWN 119:154

Ngai hpang maga de tsap nna nye a amu hpe jeyang ya e; na a ga sadi nga ai hte maren, ngai hpe hkye hkrang la e.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 25:11

Myit mang kaja hpe tup hkrak chye shaleng tsun lu ai gaw, gumhpraw hta ja ginshi sup da ai kasi hte bung nga ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

TARA AGYI 11:27

Ngai gaw nang hpe hpa mung n galaw shut kau nngai; nang chyawm gaw ngai hpe majan baw nna shut kau nit dai. Dai Madu gaw tara agyi rai nga ai majaw Israela hte Amon masha ni a lapran e, dai ni shi daw dan ya na ra ai,” ngu nna tsun wu ai.

1 SAMUELA 26:17

Shawlu chyawm gaw Dawi a nsen hpe chye matsing ai rai nna, “Ngai sha Dawi e, dai gaw nang rai nga n ni?,” ngu nna san wu yang, Dawi mung, “Rai nga nngai, Madu hkawhkam e,” ngu nna htan wu ai.

1 SAMUELA 26:24

Dai ni ngai na a asak jahkrung da ya ni ai zawn dai Madu mung ru tsang yawng kaw na dai hte maren ngai hpe galaw nga u ga law!,” ngu nna tsun htang wu ai.