1 SAMUELA 24:15 - Jinghpaw Common Language Bible 2009

¹⁵ Dai Madu gaw an hta na kadai wa shut ai hpe jeyang nna daw dan hparan ya nu ga. Ndai lam hpe shi mada yu nna, ngai hpe makawp maga la ai hte na a lata kaw na mung hkye la u ga law,” ngu nna tsun wu ai.

Jinghpaw Hanson Version Bible

¹⁵ Dai re ai majaw Yehowa she tara agyi tai ya mi ga; nang hte nye a lapran e shi hparan ya mi ga; shi nan mada yu nna ngai hpe na a lata na hkrang la n ga,” ngu nna Shawlu hpe tsun wu ai.

1 SAMUELA 24:15 ပူးပေါင်းရင်းမြစ်များ

2 HKAWHKAM LABAU 24:22

Hkawhkam wa mahtang Zehkaria a kawa Yehoiada shi hta sadi dung let daw jau ai chyeju lam hpe malap kau nhtawm, Zehkaria hpe shi sat kau wu ai. Zehkaria si wa yang shi gaw, “Dai Madu gaw nang hpa galaw nga ndai hpe mada yu nna nang hpe ari jaw u ga law!,” ngu nna tsun wu ai.

SHAKAWN KUNGDAWN 119:154

Ngai hpang maga de tsap nna nye a amu hpe jeyang ya e; na a ga sadi nga ai hte maren, ngai hpe hkye hkrang la e.

SHAKAWN KUNGDAWN 35:1

Madu e, ngai hpe ninghkap ai ni hpe ninghkap kau u; ngai hpe gasat ai ni hpe mung, gasat kau u.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

TARA AGYI 11:27

Ngai gaw nang hpe hpa mung n galaw shut kau nngai; nang chyawm gaw ngai hpe majan baw nna shut kau nit dai. Dai Madu gaw tara agyi rai nga ai majaw Israela hte Amon masha ni a lapran e, dai ni shi daw dan ya na ra ai,” ngu nna tsun wu ai.

1 SAMUELA 17:43

Shi gaw Dawi hpe, “Dai dawhkrawng gaw hpa baw a matu rai lit ni? Ngai hpe gwi zawn nawn da nu ni?,” ngu nna tsun wu ai. Shi gaw shi a hpara mying gang let Dawi hpe dagam wu ai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.

1 SAMUELA 25:39

Nabala si mat sai shiga hpe Dawi na ai shaloi, shi gaw, “Dai Madu hpe shakawn mu! Shi gaw ngai hpe n kaw n law di ai Nabala hpe matai dawp nu ai hte shut hpyit amu galaw shapraw na shi a shangun ma ngai hpe mung hkum kau nu ai. Dai Madu gaw shi galaw ai n hkru ai amu a majaw Nabala hpe ari jaw kau nu ai,” ngu nna tsun wu ai. Dai hpang, Dawi gaw Abigala hpe hkungran la na matu kasa langai shangun dat wu ai.

1 SAMUELA 26:20

Dai re ai majaw, dai Madu hte tsan gang nga ai maigan masha ni a lamu ga hta ngai hpe hkum sat kau hkrum shangun nga myit. Israela hkawhkam gaw hpa majaw ngai hpe wa hkalai zawn sa sat kau ang na rai nga a ni? Shi gaw ngai hpe hpa majaw nam na ntsa malen u zawn tam shakut na ang nga a ni?,” ngu nna htan wu ai.

1 SAMUELA 26:4

shi gaw Shawlu dai yang e teng teng nga nga ai lam sa tam na matu kin-yu ni hpe dat dat wu ai.