1 SAMUELA 24:14 - Jinghpaw Common Language Bible 2009

¹⁴ Israela hkawhkam wa hpa baw hpe sat na matu shakut hkawm nga ai hpe yu yu mu! Shi hpa baw hpe hkan shachyut hkawm nga ai kun? Gwi chyasi, wa hkalai mi rai nga ai kun?

Jinghpaw Hanson Version Bible

¹⁴ Israela Hkawhkam wa mi ting, gade a majaw nawt hkawm wa n ta? Nang kadai hpe hkan shachyut hkawm nga n ta? gwi chyasi, wa hkalai, hkan tam n ni?

1 SAMUELA 24:14 ပူးပေါင်းရင်းမြစ်များ

2 SAMUELA 16:9

Kanu Zeruia a kasha Abishai gaw hkawhkam wa hpe, “Madu hkawhkam wa e, ndai gwi hpe nang hpa majaw matsa shangun nga n ni? Wora de ngai woi sa nna shi a baw hpe sa kahtam di kau shangun e!,” ngu nna tsun wu ai.

2 SAMUELA 3:8

Dai lam a majaw Abna hpe masin kahtet shangun wu ai rai nna shi gaw, “Shawlu hpe ngai gumlau kau nga nngai, ngu nang myit nawn da wu ni? Yuda a matu ngai teng teng ap nawng nga nngai ngu nang myit nawn da wu ni? Ngai gaw shawng nnan kaw nna na nwa Shawlu hte shi a kahpu kanau ni hte manaw manang makyin jinghku ni hta sadi dung lai wa ni ai rai nna Dawi a lata hta n sum mat hkra ngai nang hpe hkye mawai la ni ai; rai ti mung ya dai ni, ndai numsha langai a majaw sha nang ngai hpe mara tam nga n hka i!

2 SAMUELA 6:20

Dai hpang Dawi gaw shi a nta masha ni hpe shakram la na nga, nta de shang wa wu yang, Mihkala pru wa nhtawm shi hpe hkap tau la wu ai. Shi gaw, “Dai ni na nhtoi hta Israela hkawhkam gaw shi hkum a matu amying kaba dan hkung hkra galaw kau nu hka! Shi gaw shi a hkum hpe shi a du salang ni a shangun ma numsha ni a man e mana langai zawn madun dan nga nu hka!,” ngu nna tsun wu ai.

2 SAMUELA 9:8

Mehpiboshet lang mi bai gum dagup nhtawm, “Madu e, ngai gaw gwi chyasi langai hta pyi grau nna asung n shang mat nga nngai; dai rai yang, nang ngai hpe hpa majaw grai yu matsan dum la nga n ni?,” ngu nna tsun wu ai.

1 HKAWHKAM 21:7

Yezebela gaw, “Rai sa, nang hkawhkam re n rai ni? Yup ku kaw na rawt u, myit pyaw pyaw hte shat sha u. Nabot a sabyi sun lu la hkra ngai lajang ya na de ai!,” ngu nna tsun htang wu ai.

HOSEA 10:13

Rai ti mung, shing rai na malai, nanhte gaw n hkru ai hpe hkai nna, dai hpe shu la nga myit dai. Nanhte a masu magaw asi hpe nanhte sha kau manit dai. “Nanhte gaw hpyen leng ni hte law la ai nanhte a hpyenla ni hpe kam hpa nga myit dai majaw,

1 SAMUELA 17:43

Shi gaw Dawi hpe, “Dai dawhkrawng gaw hpa baw a matu rai lit ni? Ngai hpe gwi zawn nawn da nu ni?,” ngu nna tsun wu ai. Shi gaw shi a hpara mying gang let Dawi hpe dagam wu ai.

1 SAMUELA 26:20

Dai re ai majaw, dai Madu hte tsan gang nga ai maigan masha ni a lamu ga hta ngai hpe hkum sat kau hkrum shangun nga myit. Israela hkawhkam gaw hpa majaw ngai hpe wa hkalai zawn sa sat kau ang na rai nga a ni? Shi gaw ngai hpe hpa majaw nam na ntsa malen u zawn tam shakut na ang nga a ni?,” ngu nna htan wu ai.