1 SAMUELA 24:12 - Jinghpaw Common Language Bible 2009

¹² Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.

Jinghpaw Hanson Version Bible

¹² Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.

1 SAMUELA 24:12 ပူးပေါင်းရင်းမြစ်များ

NINGPAWT NINGHPANG 16:5

Dai hpang Sarai gaw Abram hpe, “Ya Hagara ngai hpe n kaw n law di ai gaw na a mara rai lit ga. Ngai hkum nan na a lata hta shi hpe ap ya ni ai. Ya shi na-um nasin rai sai hpe shi chye ai hte ngai hpe n kaw n law di kau ni ai. An kadai mahtang teng man nga ai gaw nang hte ngai hpe dai Madu jeyang ya u ga!,” ngu nna tsun wu ai.

NINGPAWT NINGHPANG 31:53

Abraham a Karai Kasang hte Nahora a Karai Kasang gaw an a lapran e jeyang ya nu ga,” ngu nna tsun wu ai. Dai hpang Yaku gaw ndai ga sadi grin nga u ga, shi kawa Isak nawku ai Karai Kasang a mying nsang hte dagam shaka da wu ai.

2 SAMUELA 22:48

Shi gaw ngai hpe nye a gumlau hpyen ni hpe dang kau lu na awng padang ngai hpe jaw ya nga ai; masha amyu baw ni hpe nye a up hkang ai npu hta shi tawn da nga ai;

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

YOBA 5:8

Ngai lama nang rai taw gaw, Karai Kasang hpang de ngai kayin wa ai hte nye a amu shi hpe ap ya na nngai.

SHAKAWN KUNGDAWN 35:1

Madu e, ngai hpe ninghkap ai ni hpe ninghkap kau u; ngai hpe gasat ai ni hpe mung, gasat kau u.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

1 PETRU 2:23

Shi roi asawng hkrum ai shaloi, shi bai roi asawng htang ai n rai; shi nni nkri hkam ai shaloi shi jahkrit sharim ai lam n galaw ai sha teng man ai tara agyi Karai Kasang a lata hta shi a myit mada ai lam ni ap da nu ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

TARA AGYI 11:27

Ngai gaw nang hpe hpa mung n galaw shut kau nngai; nang chyawm gaw ngai hpe majan baw nna shut kau nit dai. Dai Madu gaw tara agyi rai nga ai majaw Israela hte Amon masha ni a lapran e, dai ni shi daw dan ya na ra ai,” ngu nna tsun wu ai.

1 SAMUELA 20:1

Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 24:15

Dai Madu gaw an hta na kadai wa shut ai hpe jeyang nna daw dan hparan ya nu ga. Ndai lam hpe shi mada yu nna, ngai hpe makawp maga la ai hte na a lata kaw na mung hkye la u ga law,” ngu nna tsun wu ai.

1 SAMUELA 26:23

Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.