1 SAMUELA 24:11 - Jinghpaw Common Language Bible 2009

¹¹ Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

Jinghpaw Hanson Version Bible

¹¹ Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.

1 SAMUELA 24:11 ပူးပေါင်းရင်းမြစ်များ

2 SAMUELA 1:14

Dawi gaw shi hpe, “Dai Madu lata san da sai hkawhkam wa hpe nang kaning di sat gwi nga n ta?,” ngu nna san wu ai.

2 HKAWHKAM 5:13

Shi a shangun ma ni shi kaw lung wa nhtawm, “Madu e, myihtoi wa gaw yak ai amu lama mi galaw na matu nang hpe tsun ai rai yang, nang dai amu hpe galaw ang nga ndai. Shi tsun nu ai hte maren, na hkum nang ya hpa majaw n lu shin na rai ta? Shamai shatsai hkrum na n rai ni?,” ngu nna tsun wu ai.

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

SHAKAWN KUNGDAWN 119:161

Daru magam n-gun atsam rawng ai masha ni gaw ngai hpe n tara ai hku gasat nga ma ti mung; ngai gaw na a tara hpe hkungga nga nngai.

SHAKAWN KUNGDAWN 140:11

Masha kaga ni hpe masu magaw ga hte mara tam nga ai ni, hkrat sum nga mu ga; n hkru ai lam gaw kashun kashe du daw sai hkaw shabyin ai masha ni hpe hkan dep nang nna, shanhte hpe jahten kau mu ga.

SHAKAWN KUNGDAWN 35:7

Hpa mung n ra ra re ai kaw, shanhte gaw nye a matu mahkam hkam da ma ai, ngai hpe rim bang na matu sung ai nhkun langai mi htu da nga ma ai.

SHAKAWN KUNGDAWN 59:3

Yu u! Shanhte gaw ngai hpe sat na matu ala nga ma ai; mazut ai masha ni ngai hpe hkap daw na matu zup hpawng nga ma ai. O Madu e, shanhte gaw shanhte a shara ni hta gasat na matu jin jin rai nga ai lam gaw, ngai galaw shut kau sai shut hpyit lam, shing n rai, yubak a majaw mung n rai, dai sha n ga, nye a mara langai ngai a majaw mung n rai nga ai.

SHAKAWN KUNGDAWN 7:5

nye a gumlau hpyen ni ngai hpe hkan shachyut rim nna, shanhte ngai hpe kahtum kadaw di sat kau nhtawm, asak n rawng sai ngai hpe ga ntsa e, kau da nga mu ga.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

SHARUNG SHAYAWT 4:18

Dai gumlau hpyen wa gaw anhte hpe azi yu nga ai; anhte gaw nmaw lam hkan e pyi n hkawm lu saga ai. Anhte a nhtoi ni mung lai mat sai; jahtum aten du nga sai.

EZEKELA 13:18

Tsaw Htum ai dai Madu gaw shanhte hpe hpa tsun nga ai lam htawn tsun u: “Num nanhte gaw dingnye hkrum nga myit dai! Hpa majaw nga yang, nanhte gaw masha shagu a matu lata lahkawn hkaw wang ni hte shanhte a baw ntsa e magap na baw sumpan ni hpe chywi ya myit dai; shaloi shanhte gaw kaga masha ni a asak hkrun lam hta daru magam n-gun hkam la lu nga ma ai. Nanhte gaw nye a amyu masha ni a ntsa e asak hte si hkrung si htan hte seng ai hpung dagu madu la mayu myit dai, dai hpe nanhte a akyu a matu jai lang mayu nga myit dai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

YAWHAN 15:25

Rai ti mung dai gaw, ‘Mara n nga ti mung, shanhte ngai hpe n dawng n yawt ma ai,’ nga nna shanhte a Tara Laika hta ka da ai ga dik wa na matu rai nga ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 18:27

Dawi hte shi a masha ni pru sa nhtawm Hpilisti masha lahkawng tsa hpe sat kau ma ai. Shi gaw shanhte a hpyi matu ni hpe hkawhkam wa hpang de la wa nhtawm dai ni yawng hpe shi a man e hti yu wu ai rai nna, hkawhkam wa a kahkri tai wa mai nu ai. Dai rai nna, Shawlu gaw shi a shayi sha Mihkala hpe Dawi hte hkungran na matu ap ya wu ai.

1 SAMUELA 23:14

Dawi chyawm gaw Zihpa makau na nam mali e nga ai bum ga hkan makoi hkawm nga wu ai. Shawlu gaw shi hpe tut e tam shakut ti mung, Karai Kasang gaw Dawi hpe shi a lata de n ap kau wu ai.

1 SAMUELA 23:23

Dai re ai majaw, shi makoi nga ai shara ni hpe tup hkrak sagawn la lu jang mahtang, ngai kaw ading tawk shiga bai wa jaw mi. Shaloi ngai nanhte hte rau pru sa wa nna, dai ginwang hkan shi naw nga ai rai yang, Yuda mung ting ngai hkan sawk nna shi hpe hkan shachyut tam la na nngai,” ngu nna tsun wu ai.

1 SAMUELA 25:28

Madu e, chyeju hte ngai galaw shut kau sai mara ni hpe raw dat ya e law. Nang chyawm gaw nang hkrung nga ai hte yang, n hkru ai amu hpa mung n galaw nga ndai hte shi a majan ni hpe nang gasat ya nga ndai majaw dai Madu gaw nang hpe mung, na a matu mara ni hpe mung hkawhkam shatai na ra ai.

1 SAMUELA 26:18

Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?

1 SAMUELA 26:20

Dai re ai majaw, dai Madu hte tsan gang nga ai maigan masha ni a lamu ga hta ngai hpe hkum sat kau hkrum shangun nga myit. Israela hkawhkam gaw hpa majaw ngai hpe wa hkalai zawn sa sat kau ang na rai nga a ni? Shi gaw ngai hpe hpa majaw nam na ntsa malen u zawn tam shakut na ang nga a ni?,” ngu nna htan wu ai.

1 SAMUELA 26:23

Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.