1 SAMUELA 24:10 - Jinghpaw Common Language Bible 2009

¹⁰ Ya sha, dai Madu gaw nang hpe nye a lata hta lungpu hku e ap ya sai hpe nang hkum nan mu lu na rai ndai. Nye a masha nkau mi mahtang nang hpe sat kau na matu tsun ma ai, rai ti mung nang gaw hkawhkam tai na matu dai Madu lata san da sai wa rai nga ndai majaw ngai nang hpe kachyi mi mung machyi n jahkrum n-ga law, ngu na a matu myit yawn let hkam sha nga nngai.

Jinghpaw Hanson Version Bible

¹⁰ Dai ni Yehowa, wora lungpu e nang hkum hpe, na a mayam a lata hta ap kau nit dai gaw, nang nan mu nit dai; nang hpe sat kau ga, nga nna manang ni nkau mi shadut ti pyi, ngai na asak hpe lahpawt ya nna, nye a Madu gaw Yehowa a namman jaw hkam ai wa re ai; dai wa hpe sat na, nye a lata n dawn yu we ga, ngu nna ngai myit nga nngai.

1 SAMUELA 24:10 ပူးပေါင်းရင်းမြစ်များ

SHAKAWN KUNGDAWN 105:15

Madu gaw, “Ngai lata san da sai shangun ma ni hpe hkum machyi shangun myit, nye a myihtoi ni hpe hkum hkra ya mi,” nga nna hkawhkam ni hpe sadi jaw nu ai.

SHAKAWN KUNGDAWN 125:3

Tara n lang ai ni ding hpring ai ni a lamu ga hpe tut nawng e, up hkang lu ma ai n rai; lama wa, shanhte up hkang lu ai rai yang mung, ding hpring ai masha ni nan n hkru ai amu hpe galaw na ma ai.

SHAKAWN KUNGDAWN 7:3

O Madu nye a Karai Kasang e, ngai masha langai ngai hpe shut kau ni ai rai yang mung, nye a manang wa hpe gumle gumlau galaw kau ni ai rai yang mung, shing n rai, matu kata nye a gumlau hpyen wa a ntsa e, kashun kashe amu galaw kau ai hte, ndai lam langai ngai hpe ngai galaw hkrup kau ni ai rai yang mung,

PRU MAT 21:13

Rai ti mung, dai wa hpe sat na matu dingsa n di ai sha byin wa ai rai yang, shi hprawng lawt lu na shim ai shara langai shi a matu ngai san da ya na we ai.

EZEKELA 22:9

Na a amyu masha ni hta na nkau mi gaw sat kau hkrum na matu kaga masha ni a lam ni hpe masu magaw ga tsun nga ai. Amyu masha nkau mi gaw hpara sumla ni hpe nawng jau ai shagu hkungga shan ni hpe sha nga ma ai. Nkau mi gaw shanhte a ngang gayut ai amu ni hta tut nawng myit dik dum nga ma ai.

JAW JAU 19:16

Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.

1 SAMUELA 24:4

Shanhte gaw shi hpe, “Ndai gaw na a matu ahkaw ahkang rai nga lit dai! Dai Madu gaw na a gumlau hpyen wa hpe na a lata e ap ya na wu ai rai nna nang ra ai hku shi hpe galaw lu na ndai, nga nna mung nang hpe tsun da nga ai,” ngu nna tsun dan ma ai. Dawi gaw gumrawt sa nhtawm Shawlu n chye ai sha, shi a palawng galu daw mi hpe kadoi di la ya wu ai.

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?