1 SAMUELA 23:9 - Jinghpaw Common Language Bible 2009

⁹ Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.

Jinghpaw Hanson Version Bible

⁹ Shawlu myit magaw ai hku maw nga ai gaw, Dawi chye wu ai rai nna, hkinjawng Abiahta hpe, “Hpahkai lawng la wa rit,” ngu wu ai.

1 SAMUELA 23:9 ပူးပေါင်းရင်းမြစ်များ

1 HKAWHKAM 2:26

Dai hpang hkawhkam Shawlumon gaw hkinjawng Abiahta hpe, “Na a daidaw buga Anahtot mare de nhtang wa su; nang gaw si ging ai wa rai nga ndai, rai ti mung nye wa Dawi hte rau nang nga nga ai hte yang dai Madu a Ga Shaka Sumpu amu hpe woi hpareng yu nit dai hte shi a ru yak tsin-yam tsindam yawng hpe nang gun hpai karum nit dai majaw ya ngai nang hpe sat kau na de ai n rai,” ngu nna tsun wu ai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

BU HKAWM 27:21

Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

KASA 14:6

Kasa ni dai hpe chye jang Lukaoni mung na Lustra, Derbe mare ni hte dai yan a grup yin ginwang de hprawng mat wa ma ai.

KASA 9:24

Rai ti mung shanhte a maw ai lam hpe Shawlu chye kau ya mu ai. Shi hpe sat kau lu na matu shanhte shani shana mare chyinghka ni hta hkap nga ma ai.

1 SAMUELA 10:22

shanhte gaw dai Madu hpe, “Ndai yang e marai langai ngai naw nga ai n rai ni?,” ngu nna san ma ai. Dai Madu mahtang, “Shawlu gaw htawra ang na gun rai shingdu e makoi gyem nga ai,” ngu nna htan wu ai.

1 SAMUELA 14:18

Shawlu gaw hkinjawng Ahiya hpe, “Dai hkinjawng hpa hkai lawng ndai de la wa rit,” ngu nna tsun wu ai. (Dai shani e Ahiya gaw Israela amyu masha ni a shawng e dai hpe hpai da nga ai.)

1 SAMUELA 22:20

Rai ti mung, Ahimelek a kasha langai rai nga ai Abiahta mahtang hprawng lawt mat wa nhtawm, Dawi kaw sa let shi hte matut mahkai mat wu ai.

1 SAMUELA 23:10

Dai hpang, Dawi gaw, “Madu Israela a Karai Kasang e, na a shangun ma rai nga ai nye a majaw, Shawlu gaw Kila mare de hpyen rawt nna sa hpya kau na matu maw nga ai lam ngai na se ai.

1 SAMUELA 23:6

Ahimelek a kasha Abiahta mahtang hprawng lawt mat wa nhtawm Kila mare e nga ai Dawi hte matut mahkai lu ai shaloi shi hte rau hpa hkai lawng hpe mung la sa wa wu ai.

1 SAMUELA 23:8

Dai rai nna, Shawlu gaw Kila mare de hpyen rawt nna Dawi hte shi a masha ni hpe wang tawn na nga, shi a hpyen ma ni hpe shaga dat wu ai.

1 SAMUELA 30:7

Dawi gaw Ahimelek a kasha hkinjawng Abiahta hpe, “Hpa hkai lawng ngai kaw la wa rit,” ngu nna tsun wu ai shaloi, Abiahta mung dai hpe shi hpang de la wa ya wu ai.