1 SAMUELA 23:6 - Jinghpaw Common Language Bible 2009

⁶ Ahimelek a kasha Abiahta mahtang hprawng lawt mat wa nhtawm Kila mare e nga ai Dawi hte matut mahkai lu ai shaloi shi hte rau hpa hkai lawng hpe mung la sa wa wu ai.

Jinghpaw Hanson Version Bible

⁶ Ya Ahimelek a kasha Abiahta gaw Dawi hpang de Kila mare de hprawng yang, shi a lata hta hpa hkai palawng mung lang sa wa ai.

1 SAMUELA 23:6 ပူးပေါင်းရင်းမြစ်များ

1 HKAWHKAM 2:26

Dai hpang hkawhkam Shawlumon gaw hkinjawng Abiahta hpe, “Na a daidaw buga Anahtot mare de nhtang wa su; nang gaw si ging ai wa rai nga ndai, rai ti mung nye wa Dawi hte rau nang nga nga ai hte yang dai Madu a Ga Shaka Sumpu amu hpe woi hpareng yu nit dai hte shi a ru yak tsin-yam tsindam yawng hpe nang gun hpai karum nit dai majaw ya ngai nang hpe sat kau na de ai n rai,” ngu nna tsun wu ai.

PRU MAT 28:6

“Shanhte gaw hpa hkai lawng hpe sawm tsit ai, shaba pu nsam rawng ai, hkyeng ai sagu ri, ja ri hte mani tsawm ai lachyit sumpan ni hte maka ka sumli da na rai ma ai.

1 SAMUELA 14:18

Shawlu gaw hkinjawng Ahiya hpe, “Dai hkinjawng hpa hkai lawng ndai de la wa rit,” ngu nna tsun wu ai. (Dai shani e Ahiya gaw Israela amyu masha ni a shawng e dai hpe hpai da nga ai.)

1 SAMUELA 14:3

(Shilo mare na dai Madu a hkinjawng rai nga ai Eli a kashu, Hpineha a kasha, Ihkabu a kahpu Ahitub a kasha, hpa hkai lawng hpai ai hkinjawng Ahiya mung lawm nga ai.) Yonahtan pru mat wa ai hpe dai masha ni kadai mung n chye dat ma ai.

1 SAMUELA 22:20

Rai ti mung, Ahimelek a kasha langai rai nga ai Abiahta mahtang hprawng lawt mat wa nhtawm, Dawi kaw sa let shi hte matut mahkai mat wu ai.

1 SAMUELA 23:2

Dai rai nna, shi gaw dai Madu hpe, “Hpilisti masha ni hpe ngai sa gasat na kun?,” ngu nna san wu ai. Dai Madu mung, “Rai sa, shanhte hpe sa gasat nhtawm Kila masha ni hpe hkye la su,” ngu nna htan wu ai.

1 SAMUELA 23:5

Dai rai nna Dawi hte shi a masha ni Kila mare de sa nhtawm Hpilisti masha ni hpe gasat kau ma ai rai nna shanhte law law hte hpe sat kau nhtawm shanhte a yam nga ni hpe la mat wa ya ma ai. Ndai zawn rai nna Dawi gaw dai mare hpe hkye la wu ai.

1 SAMUELA 23:7

Kila mare de Dawi sa mat wa sai lam Shawlu hpe tsun dan mu ai shaloi, shi gaw, “Bunghku kum nna htinggrang hte chyip rai nga ai mare chyinghka ni rawng ai mare kata de sa shang rawng nga let shi hkum shi mahkam hkam la nu ai gaw, Karai Kasang shi hpe nye a lata hta ap ya ai lam rai nga ai,” ngu nna tsun wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.

1 SAMUELA 30:7

Dawi gaw Ahimelek a kasha hkinjawng Abiahta hpe, “Hpa hkai lawng ngai kaw la wa rit,” ngu nna tsun wu ai shaloi, Abiahta mung dai hpe shi hpang de la wa ya wu ai.