1 SAMUELA 23:26 - Jinghpaw Common Language Bible 2009

²⁶ Shawlu hte shi a masha ni gaw Dawi hte shi a masha ni hte lam n hkrum ai sha kawng a maga mi de, Dawi hte shi a masha ni mung maga mi de rai nga nga ma ai. Shanhte gaw Shawlu hte shi a masha ni shanhte hpe lu rim la hkra nga, ani sha kahtep sa wa ai Shawlu hte shi a masha ni a lata kaw na tin tin hprawng shaja nga ma ai.

Jinghpaw Hanson Version Bible

²⁶ Shaloi kawng maga mi de Shawlu sa wa nna, maga mi de Dawi hte shi a masha ni sa wa ma ai. Shing rai Shawlu hpe hkrit ai majaw, lawt lu hkra nga Dawi hprawng shaja nga ai; kaning rai nme law, Shawlu hte shi a masha ni, Dawi hte shi a masha ni hpe wang grup wa nna, ganoi noi rim la lu mu ai.

1 SAMUELA 23:26 ပူးပေါင်းရင်းမြစ်များ

2 SAMUELA 15:14

Dai rai nna Dawi gaw shi hte rau Yerusalem mare e nga ai shi a du salang ni yawng hpe, “Anhte Absalom a lata kaw nna lawt mayu ga ai rai yang, ya jang hprawng mat wa saga! Alawan rai manu law! Shing n rai yang, shi anhte hpe ndai yang dep rau nna anhte hpe gasat dang kau nhtawm mare hta nga ai masha shagu hte hpe sat kau na ra ai!,” ngu nna tsun wu ai.

2 HKAWHKAM LABAU 20:12

Nang gaw anhte a Karai Kasang rai nga ndai, shanhte hpe ari jaw u; anhte hpe gasat nga ai ndai hpyen luksuk kaba a man hta anhte gaw karum la lam n lu ai ni she rai nga saga ai. Kaning rai galaw na mung anhte n chye saga ai, rai ti mung anhte chyawm gaw karum la hkrum na matu nang hpe sha mada yu nga saga ai law,” ngu nna nsen ja ja hte hpyi jahtau wu ai.

SHAKAWN KUNGDAWN 17:11

Ngai kayin hkawm ai shara shagu hte hta, ya e, shanhte ngai hpe wang shinggrup nga ma ai; ngai hpe gang jahkrat lu na ginjang hpe shanhte sin yu nga ma ai.

SHAKAWN KUNGDAWN 22:12

Gumlau hpyen law law ni gaw ngai hpe usu ni zawn wang gawan da mi ai; Bashan ga na matse ai usu ni zawn shanhte ngai hpe shinggrup da mi ai.

SHAKAWN KUNGDAWN 22:16

N hkru ai masha hpung mi, ngai hpe wang gawan da nna; gwi wunawng mi ngai kaw htim sa wa ai zawn shanhte ngai kaw htim sa wa ma ai; shing rai shanhte gaw nye a lagaw lata ni hpe gang je nga ma ai.

SHAKAWN KUNGDAWN 31:22

Shi gaw ngai hpe shi a man kaw na gawt shapraw kau hkrum sai zawn nawn nna, ngai myit yu ai hte hkrit kau ni ai. Rai ti mung, karum la na matu shi hpe ngai shaga yang, nye a hpyi jahtau ai nsen hpe shi na ya sai.

2 KORINHTU 1:8

Hpu nau ni e, Asi mung e anhte hkrum sagaw ai tsin-yam tsindam a lam nanhte hpe bai shadum mayu ga ai. Anhte a ntsa e dip gamyet ai nni nkri ngu ai lit ni gaw kaba la ai hte li la ai majaw, anhte gaw asak hkrung na matu pyi n myit mada mat hkra rai saga ai.

SHINGRAN 20:9

Shanhte gaw lamu ga pang pat yan kaput lung wa nna Karai Kasang a masha ni dap jung da ai dabang hte Madu tsaw ra ai mare hpe wang da nga ma ai. Rai ti mung sumsing lamu de na wan hkrat nna hkru jahten kau ai hkrum ma ai.

TARA AGYI 16:2

Dai yang e Samson nga nga ai hpe Gaza masha ni chye ma ai shaloi, shanhte gaw dai shara hpe wang da nhtawm mare chyinghka e shana tup shi hpe la ma ai. Shanhte gaw shana tup asim sha nga nhtawm, “Shi hpe nhtoi htoi ai aten du hkra la ga, dai hpang she shi hpe sat kau ga,” ngu nna shanhte myit yu let tsun ma ai.

1 SAMUELA 19:12

Mihkala gaw shi hpe hkuwawt hku shayu kau dat wu ai rai nna hprawng lawt mat wa wu ai.

1 SAMUELA 20:38

Dai yang e sha gaw hkum tsap nga sa! Lawan kagat su!,” ngu nna jahtau tsun wu ai. Shaloi dai ma gaw pala hta lang nna shi a madu kaw nhtang wa wu ai;

1 SAMUELA 23:25

Shawlu hte shi a masha ni Dawi hpe tam na nga, rawt sa wa ma ti mung, shing rai hkawm sa wa ai lam hpe shi na jang, Maon nam mali e nga ai lunghkrung kawng langai mi de sa mat wa nhtawm dai yang e nga nga ai. Dai shiga hpe Shawlu na jang, Dawi a hpang de shi hkan tam mat wa wu ai.

1 SAMUELA 23:27

Dai shaloi kasa langai mi du nna Shawlu hpe, “Ya jang nhtang wa rit! Hpilisti masha ni anhte a mungdan de gasat shang wa mara ai!,” ngu nna sa tsun wu ai.