1 SAMUELA 23:16 - Jinghpaw Common Language Bible 2009

¹⁶ Yonahtan mung dai yang e nga ai Dawi hpang de sa nhtawm Karai Kasang a makawp maga ai chyeju teng teng hkam la lu na lam, shi hpe n-gun jaw let,

Jinghpaw Hanson Version Bible

¹⁶ Shaloi Shawlu a kasha Yonahtan rawt nna, Dawi nga ai maling de sa wa nhtawm, Karai Kasang hta shamyet shanat ngang na lam, shadaw shalan let,

1 SAMUELA 23:16 ပူးပေါင်းရင်းမြစ်များ

NEHEMIA 2:18

Karai Kasang gaw ngai hte rau nga nga nna kaning rai karum la ai lam hpe mung, hkawseng wa ngai hpe kaning nga tsun ai lam mung, shanhte hpe ngai tsun dan we ai. Shanhte gaw, “Bai de da saga law!,” ngu nna tsun htang shajang ma ai. Shing rai shanhte gaw bungli galaw hpang na matu jin jin rai ma ai.

YOBA 16:5

Ngai mahtang hpaji ga hte nang hpe n-gun atsam jaw lu nngai; nang hpe shalan shabran na matu ashaga nga na nngai.

GA SHAGAWP 27:17

Hpri hpe hpri hte shadai la lu ai zawn, masha a nyan hpe masha shada shalet la lu nga ai.

GA SHAGAWP 27:9

Manam pyaw ai sau hte manam hawm bat gaw nang hpe myit shapyaw lu ti mung, ru yak tsin-yam tsindam gaw na a myit a sim sa lam hpe jahten kau ya nga ai.

EZEKELA 13:22

“Ngai nchyi nmu n byin shangun mayu ai ndai mai kaja ai amyu masha ni hpe nanhte a masu magaw ga ni hte myit shadaw ya myit dai. N hkru ai masha ni gaw n hkru ai amu hpe kau da nna, shanhte a asak mawai la lu na, nanhte hkum da myit dai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

LUKA 22:43

Dai shaloi, lamu de na lamu kasa langai mi shi kaw dan pru nna, shi hpe sa shalan n-gun jaw ya wu ai.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

TARA JAHPRANG 3:28

Yawshu mahtang nang mu mada ai mung hpe madu la na matu amyu masha ni hpe woi rap na rai wu ai majaw shi hpe ga matsun ni jaw nna myit n-gun jaw u,’ ngu nna tsun wu ai.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

1 SAMUELA 23:15

Dawi gaw shi hpe sat na nga Shawlu pru hkawm nga ai hpe mu wu ai. Dawi mahtang Zihpa makau na nam mali e nga ai Horesha e nga nga wu ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.