1 SAMUELA 23:14 - Jinghpaw Common Language Bible 2009

¹⁴ Dawi chyawm gaw Zihpa makau na nam mali e nga ai bum ga hkan makoi hkawm nga wu ai. Shawlu gaw shi hpe tut e tam shakut ti mung, Karai Kasang gaw Dawi hpe shi a lata de n ap kau wu ai.

Jinghpaw Hanson Version Bible

¹⁴ Dawi chyawm gaw, Zihpa bum ga na hkaraw nhkap hkan e nga nga ai rai nna, Shawlu shani shagu tam nga timung, Karai Kasang gaw Dawi hpe shi a lata de n ap kau wu ai.

1 SAMUELA 23:14 ပူးပေါင်းရင်းမြစ်များ

2 HKAWHKAM LABAU 11:8

Gat, Maresha, Zip,

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

SHAKAWN KUNGDAWN 55:7

Tsan tsan de ngai pyen hkawm mat wa nna, nam mali hpe nye a nta shatai na we ai.

GA SHAGAWP 1:16

Shanhte gaw n hkru n shawp ai amu galaw na hpe shanhte n dawt nga ma ai; shanhte gaw masha sat na matu, tut nawng e, jin jin rai ma ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

GA SHAGAWP 4:16

N hkru n shawp ai masha ni gaw shut hpyit ai amu lama mi hpe n lu galaw yang, shanhte n lu yup nga ma ai; marai langai ngai hpe n machyi shangun lu yang, shanhte yup n pyaw nga ma ai.

YEREMIA 36:26

Dai hpang, ngai hte nye a amu madu rai nga ai Baruk hpe rim la na matu hkawhkam wa gaw shi a kasha Yeramela hte rau Azriela a kasha Seraia hte Abdela a kasha Shelemia ni hpe hkang dat nu ai. Rai ti mung, dai Madu gaw an hpe makoi da mi ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.

YAWSHU 15:24

Zihpa, Telem, Bealot,

YAWSHU 15:55

Maon, Hkarmela, Zihpa, Yuta,

1 SAMUELA 23:15

Dawi gaw shi hpe sat na nga Shawlu pru hkawm nga ai hpe mu wu ai. Dawi mahtang Zihpa makau na nam mali e nga ai Horesha e nga nga wu ai.

1 SAMUELA 23:7

Kila mare de Dawi sa mat wa sai lam Shawlu hpe tsun dan mu ai shaloi, shi gaw, “Bunghku kum nna htinggrang hte chyip rai nga ai mare chyinghka ni rawng ai mare kata de sa shang rawng nga let shi hkum shi mahkam hkam la nu ai gaw, Karai Kasang shi hpe nye a lata hta ap ya ai lam rai nga ai,” ngu nna tsun wu ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 27:1

Dawi gaw, “Lani mi na nhtoi langai ngai hta Shawlu ngai hpe sat kau na ra ai. Dai re ai majaw Hpilisti mung de hprawng shang mat wa ai gaw nye a matu kaja htum ai lam rai na sai. Shaloi Shawlu gaw Israela mung e ngai hpe tam shakut hkawm ai hpe jahkring kau ai hte ngai mung shim nga lu na rai nngai,” ngu nna shi kraw e sumru wu ai.