1 SAMUELA 23:10 - Jinghpaw Common Language Bible 2009

¹⁰ Dai hpang, Dawi gaw, “Madu Israela a Karai Kasang e, na a shangun ma rai nga ai nye a majaw, Shawlu gaw Kila mare de hpyen rawt nna sa hpya kau na matu maw nga ai lam ngai na se ai.

Jinghpaw Hanson Version Bible

¹⁰ Shing rai Dawi gaw, “Israela Karai Kasang Yehowa e; Shawlu Kila mare de sa nna, nye a majaw dai mare hpe hpya kau na maw ai lam, na a mayam teng teng na se ai.

1 SAMUELA 23:10 ပူးပေါင်းရင်းမြစ်များ

NINGPAWT NINGHPANG 18:24

Dai mare hta e mara n kap ai masha manga shi nga dam yang, dai mare ting hpe nang naw jahten kau na wu ni? Dai manga shi hpe hkye mawai la na matu mare dai hpe n ngam da na wu ni?

ESHTA 3:6

Mordehkai gaw Yuda masha langai mi rai nga ai hpe shi chye jang, Mordehkai hpe chyu sha ari jaw ai hta jan nna galaw na matu shi daw dan da wu ai. Persi mungdan ting hta nga ai Yuda amyu masha shagu hte hpe sat sharu kau na shi maw nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

1 SAMUELA 22:19

Shawlu gaw Noba mare e shanu ai masha ni hpe mung, mare na hkinjawng ni hpe mung, numsha lasha, ma kaji ni hte chyu chyu ai ma ni, dumsu lawze hte sagu ni yawng hpe sat kau na matu hkang dat wu ai hte maren, dai ni yawng sat kau ai hkrum nga ma ai.

1 SAMUELA 23:11

Kila masha ni ngai hpe Shawlu a lata de ap kau na rai ma ni? Ngai na da sai hte maren, Shawlu teng teng sa na rai wu ni? Madu Israela a Karai Kasang e, ngai hpe mahtai jaw na, ngai nang kaw akroi anoi hpyi nga nngai!,” ngu nna tsun wu ai. Dai Madu gaw, “Shawlu sa na ra ai,” ngu nna htan wu ai.

1 SAMUELA 23:8

Dai rai nna, Shawlu gaw Kila mare de hpyen rawt nna Dawi hte shi a masha ni hpe wang tawn na nga, shi a hpyen ma ni hpe shaga dat wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.