1 SAMUELA 22:6 - Jinghpaw Common Language Bible 2009

⁶ Lani mi na aten hta Shawlu gaw Gibea mare na kawng e tu ai ubyap hpun npu e, shi a lata hta nri lang da nhtawm dung nga wu ai; shi a du salang ni yawng mung shi a grup yin e tsap nga ma ai; shaloi Dawi hte shi a masha ni hpe mu tam tawn da sai lam tsun shana dan ma ai;

Jinghpaw Hanson Version Bible

⁶ Ya Dawi hte shi hte rau nga ai masha ni a lam brawng pru wa ai gaw Shawlu na wu ai: Shawlu chyawm gaw, Gibea mare na kawng a wamyi hpun npu e, ari tu lang let dung nna, shi a ali ama ni nlang, shi a grup yin e tsap nga ma ai.

1 SAMUELA 22:6 ပူးပေါင်းရင်းမြစ်များ

NINGPAWT NINGHPANG 21:33

Dai hpang Abraham chyawm gaw Berasheba shara e magyeng hpun langai mi hpe hkai nna, htani htana agrin nga ai dai Madu Karai Kasang hpe nawku wu ai.

TARA AGYI 4:5

Shi gaw Ehprim bum ga Rama hte Behtela lapran na namhtan hpun nhpang e dung chye chye rai nga ai. Israela amyu masha ni mung shi a daw dan hparan ai amu ni hpe hkam la na nga, dai de sa wa wa rai ma ai.

1 SAMUELA 18:10

Hpang shani e, Karai Kasang kaw na n hkru ai wenyi gaw Shawlu hpe akajawng sha sa hkang dat nga ai rai nna, mana langai mi zawn shi a hkaw kata e ndum ndam rai abrawp rawng taw nga ai. Dawi gaw shani shagu shi galaw nga ai hte maren tingse sumpyi dum nga yang, Shawlu gaw nri langai mi lang da nhtawm,

1 SAMUELA 19:9

Lani mi na aten hta, dai Madu kaw na n hkru ai wenyi gaw Shawlu hpe sa hkang nga ai. Shawlu gaw shi a lata e nri lang let shi a hkaw e dung nga yang, Dawi mung dai yang nga let tingse dum shapyaw ya wu ai.

1 SAMUELA 20:33

Dai aten hta Yonahtan hpe sat kau na nga, shi a nri jinghkyen dat wu ai rai nna, shi a kawa gaw Dawi hpe teng teng sat kau na daw dan da nga nu hka, nga nna dum chye wa wu ai.

1 SAMUELA 31:13

Dai hpang, nrut nra ni hpe shanhte la nna mare na tsit ai ubyap hpun npu e, dai ni hpe lup makoi da let, sanit ya tup lusha gam nga ma ai.