1 SAMUELA 22:3 - Jinghpaw Common Language Bible 2009

³ Dawi gaw dai kaw nna Moba mung Mizpa mare de sa wa nhtawm Moba hkawhkam wa hpe, “Karai Kasang ngai hpe hpa galaw shangun na lam hpe ngai mu tam ai aten du hkra nye nu yan wa hpe nang kaw nga shangun na matu, chyeju hte ahkang jaw e,” ngu nna tsun wu ai.

Jinghpaw Hanson Version Bible

³ Dai kaw nna Dawi gaw Moba mung Mizpa mare de sa wa nhtawm, Moba hkawhkam hpe, “Karai Kasang ngai hta hpa hku shabyin ai garai n chye lu ai laman e, ngai nu ngai wa ni, nang kaw sa shingbyi nga na ahkang jaw e,” ngu nna hpyi wu ai.

1 SAMUELA 22:3 ပူးပေါင်းရင်းမြစ်များ

NINGPAWT NINGHPANG 47:11

Dai hpang Yosep mung hkawhkam wa shi hpe hkang da nu ai hte maren, shi a kawa hte kahpu kanau ni hpe Egutu mung na kaja htum ai shara ngu ai Ramese mare hte ni htep ai shara shanhte hpe jaw nna nga shangun mu ai.

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

1 TIMOHTI 5:4

Rai ti mung gaida jan langai ngai hta kashu kasha lu ai rai yang, shanhte gaw tinang a dinghku a matu nawku htung makam masham hte seng nna galaw ra ai lit ni hpe shawng sharin la mu ga, shing rai galaw ai hku nna tinang a kanu kawa ni hte kaji kawoi ni hpe chyeju htang jaw mu ga, hpa majaw nga yang dai gaw Karai Kasang hpe sharawng awng shangun ai lam rai nga ai.

TARA AGYI 11:29

Shaloi dai Madu a wenyi gaw Yephta a ntsa e du nna Gilead hte Manashe mung hku ga lai mat wa nhtawm Gilead mung na Mizpa mare de nhtang wa let Amon mung de sa wa wu ai.

RUHTA 4:10

Dai hta kaga, Malon a gaida jan, Moba amyu shayi Ruhta mung, nye a madu jan rai sai. Dai lam gaw si mat sai masha wa a dinghku na sut gan arung arai hte shi a dinghku matu mara ni shi a mare hte amyu masha ni a lapran matut htuk shachyaw na lam rai nga ai. Dai ni, nanhte gaw ndai lam yawng a sakse ni rai nga manit dai,” ngu nna tsun wu ai.

RUHTA 4:17

Shi a htingbu jan ni mung sa nna ma dai hpe Obed ngu shamying ya ma ai. Shanhte langai hte langai mung, “Naomi hta shadang sha langai lu nu ai!,” ngu nna tsun ma ai. Obed gaw Dawi a kawa Yese hpe shaprat wu ai.

1 SAMUELA 14:47

Shawlu gaw Israela hkawhkam tai ai hpang, shara shagu hkan nga ai shi a gumlau hpyen ni ngu na Moba masha, Amon hte Edom masha ni, Zoba hkawhkam ni hte Hpilisti masha ni hpe gasat shamyit kau wu ai. Shi gasat ai shara shagu hkan awng padang hkam la lu nga ai.

1 SAMUELA 22:2

Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.

1 SAMUELA 22:4

Dawi gaw shi kanu yan kawa hpe Moba hkawhkam a lata hta ap kau da nhtawm lungpu hku e Dawi makoi nga dingsa, dai yang e shan mung nga nga ma ai.

1 SAMUELA 3:18

Dai rai nna, Samuela gaw lama mi mung n ip da ai sha, shi hpe lam magup tsun dan wu ai. Eli chyawm gaw, “Shi gaw dai Madu rai nga ai; shi hta kaja htum ai hku shi galaw na ra ai,” ngu nna tsun ai.