1 SAMUELA 22:23 - Jinghpaw Common Language Bible 2009

²³ Ngai hte rau nga ga, hkum hkrit et. Shawlu gaw nang hte ngai hpe sat kau mayu wu timung, nang chyawm gaw ngai hte rau shim nga lu na rai ndai,” ngu nna tsun wu ai.

Jinghpaw Hanson Version Bible

²³ ngai hte rau nga ga; hkum tsang et; ngai e sat gyam ai wa gaw, nang hpe mung gyam ai rai nga ai: ngai hte rau rai yang nang lawt lu na rin dai,” ngu nna Abiahta hpe hkap tsun wu ai.

1 SAMUELA 22:23 ပူးပေါင်းရင်းမြစ်များ

2 SAMUELA 9:7

Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

1 HKAWHKAM 1:7

Shi gaw (kanu Zeruia) a kasha yan rai nga ai Yoab hte hkinjawng Abiahta yan hte bawng nna, shi galaw ai amu hpe karum madi shadaw la na myit jahkrum da wu ai.

1 HKAWHKAM 2:26

Dai hpang hkawhkam Shawlumon gaw hkinjawng Abiahta hpe, “Na a daidaw buga Anahtot mare de nhtang wa su; nang gaw si ging ai wa rai nga ndai, rai ti mung nye wa Dawi hte rau nang nga nga ai hte yang dai Madu a Ga Shaka Sumpu amu hpe woi hpareng yu nit dai hte shi a ru yak tsin-yam tsindam yawng hpe nang gun hpai karum nit dai majaw ya ngai nang hpe sat kau na de ai n rai,” ngu nna tsun wu ai.

MAHTE 24:9

“Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

YAWHAN 17:12

Ngai shanhte hte rau nga nga ai hte yang, nang ap ya da ai mying nsang a hpung shingkang atsam hte shanhte shim nga hkra bau sin makawp maga mase ai. Dai Chyum Laika hta rawng ai ga hte maren dik wa u ga she, kaja wa hten bya sum hkrum na rai nga ai masha langai mi hta lai nna kaga kadai langai mi pyi hten bya sum hkrum ma ai n rai.

YAWHAN 18:9

(Ning nga nna tsun ai gaw, “Wa e, nang ngai e jaw ai ni hta na langai mi hpe mung n shamat kau nngai,” nga nna shawng de tsun ga ai ga dik wa na matu rai nga ai.)

1 SAMUELA 23:17

shi hpe, “Hkum hkrit nga et. Nye a kawa Shawlu nang hpe machyi shangun lu na n rai wu ai. Nang gaw Israela a hkawhkam tai wa na lam hpe mung, ngai mung na a lawu na aya hpe hkam la lu na lam hpe mung, shi atsawm sha chye da nga ai.”