1 SAMUELA 22:20 - Jinghpaw Common Language Bible 2009

²⁰ Rai ti mung, Ahimelek a kasha langai rai nga ai Abiahta mahtang hprawng lawt mat wa nhtawm, Dawi kaw sa let shi hte matut mahkai mat wu ai.

Jinghpaw Hanson Version Bible

²⁰ Rai timung Ahituba a kasha Ahimelek a kasha ni hta na Abiahta ngu ai wa langai mi lawt lu nna, Dawi hpang de hprawng sa wa ai.

1 SAMUELA 22:20 ပူးပေါင်းရင်းမြစ်များ

2 SAMUELA 15:24

Dai yang e nga nga ai hkinjawng Zadok hte Lewi masha ni mung chyoi pra ai Ga Shaka Sumpu hpai da nga ma ai. Shanhte gaw amyu masha ni yawng mare kaw nna pru tawm mat wa ai aten du hkra dai Ga Shaka Sumpu hpe n hta ka-aw ai sha tawn da ma ai. Hkinjawng Abiahta mung dai yang e nga nga ai.

2 SAMUELA 20:25

Shewa gaw hkawhkam hkaw hte seng ai amu madu rai nga ai; Zadok hte Abiahta yan gaw hkinjawng rai ma ai.

1 HKAWHKAM 1:7

Shi gaw (kanu Zeruia) a kasha yan rai nga ai Yoab hte hkinjawng Abiahta yan hte bawng nna, shi galaw ai amu hpe karum madi shadaw la na myit jahkrum da wu ai.

1 HKAWHKAM LABAU 15:11

Dawi gaw hkinjawng ni hta na Zadok hte Abiahta hpe mung, kaga Lewi masha kru rai nga ai Uriela, Asaia, Yoela, Shimea, Eliela hte Aminadab ni hpe shaga la wu ai.

1 HKAWHKAM LABAU 18:16

Ahitub a kasha Zadok hte Abiahta a kasha Ahimelek yan gaw hkinjawng rai nga ma ai; Seraia chyawm gaw hkawhkam hkaw na amu madu rai nga ai.

YOBA 1:19

nam mali de na nbung laru ahpawt magawn mat wa ai rai nna nta hpe daw gamyet ai hte shanhte yawng hpe sat kau nga ai. Nang hpe shiga wa shana na matu ngai chyu sha hprawng lawt wa lu ai rai nga nngai,” ngu nna tsun wu ai.

1 SAMUELA 14:3

(Shilo mare na dai Madu a hkinjawng rai nga ai Eli a kashu, Hpineha a kasha, Ihkabu a kahpu Ahitub a kasha, hpa hkai lawng hpai ai hkinjawng Ahiya mung lawm nga ai.) Yonahtan pru mat wa ai hpe dai masha ni kadai mung n chye dat ma ai.

1 SAMUELA 2:33

Ti mung, na a matu mara langai ngai hta na marai langai mi hpe chyawm gaw ngai jahkrung da ya na we ai; shi gaw ngai hpe hkinjawng amu hte galaw daw jau na ra ai. Rai ti mung, shi gaw myi kyaw ai wa tai wa nna myit mada lam yawng hpe shamat kau na ra ai, kaga na a amyu matu mara ni yawng mung kashun kashe du daw sai hkaw amu hte si mat shajang na mara ai.

1 SAMUELA 22:21

Shi gaw dai Madu a hkinjawng ni hpe Shawlu e kaning rai htau sat kau nu ai lam, shi hpe tsun dan wu ai.

1 SAMUELA 23:6

Ahimelek a kasha Abiahta mahtang hprawng lawt mat wa nhtawm Kila mare e nga ai Dawi hte matut mahkai lu ai shaloi shi hte rau hpa hkai lawng hpe mung la sa wa wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.

1 SAMUELA 30:7

Dawi gaw Ahimelek a kasha hkinjawng Abiahta hpe, “Hpa hkai lawng ngai kaw la wa rit,” ngu nna tsun wu ai shaloi, Abiahta mung dai hpe shi hpang de la wa ya wu ai.

1 SAMUELA 4:12

Benyamin amyu bawsang hta na langai mi gaw hpyen ginra kaw nna Shilo mare de kagat wa ai rai nna, dai shani jang dai de du wa wu ai. Shaloi shi a yawn hkyen ai hpe madun dan na nga, shi a hpun palawng hpe gang je kau nhtawm shi a baw ntsa e ga hte bun dan wu ai.