1 SAMUELA 22:2 - Jinghpaw Common Language Bible 2009

² Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.

Jinghpaw Hanson Version Bible

² Amu hkrum ai ni, ahka kap ai ni hte myit karen ai ni nlang hte shi kaw sa zup nna, shi shanhte a agyi tai nga ai; shing ai marai mali tsa daram shi kaw hkan nang ma ai.

1 SAMUELA 22:2 ပူးပေါင်းရင်းမြစ်များ

2 SAMUELA 17:8

Na nwa Dawi hte shi a masha ni gaw ja ja share shagan ai hte htim gasat ai ni rai nna, tsap kanu gaw shi a kasha ni hpe magra amya ai zawn shanhte rai ma ai. Na a nwa gaw mahkrum madup law sai hpyenla rai nga ai majaw shana e shi a masha ni hte rau hkring nga na wu ai n rai.

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

2 HKAWHKAM 4:1

Myihtoi hpung mi na myihtoi langai mi a gaida jan gaw Elisha hpang de sa nhtawm, “Madu e, nye a madu wa si mat sali ai! Nang chye ndai hte maren, shi gaw Karai Kasang hpe hkrit kamyin ai masha langai mi rai nga ai; rai ti mung shi hpe gumhpraw hkoi ya ai wa hpe mahtang nye madu wa a hka a majaw nye a shadang sha lahkawng yan hpe mayam hka jahkaw la na nga, sa wa nga ai,” ngu nna tsun wu ai.

GA SHAGAWP 31:6

Chyaru gaw si wa magang sai masha ni a matu hte myit daw myit htum nga ai ni a matu rai nga ai.

MAHTE 11:12

Hkalup Sara Yawhan hkaw tsun hpang ai ten kaw nna, ya ndai shani du hkra, sumsing lamu a Mungdan gaw kashun kashe dang lu n-gun lang ai ni gaw dai mungdan hpe kashun shing nyen la na matu shakut nga ma ai.

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

TARA AGYI 11:3

Yephta gaw shi a kahpu kanau ni kaw na hprawng mat wa nhtawm Toba mung e sa nga nga wu ai. Dai yang na pagawn para rai nga hkawm ai masha hpung mi hpe shi yu sharawng wu ai rai nna shanhte mung shi hte rau brak hkawm nga ma ai.

TARA AGYI 18:25

Dan a masha ni mung, “Nang hpa mung n shaga ai nga yang grau kaja na ndai; ndai masha ni masin pawt wa nna nang hpe htim gasat kau na mara ai. Shaloi nang hte na a dinghku masha ting si mat na rai myit dai,” ngu nna tsun ma ai.

1 SAMUELA 22:3

Dawi gaw dai kaw nna Moba mung Mizpa mare de sa wa nhtawm Moba hkawhkam wa hpe, “Karai Kasang ngai hpe hpa galaw shangun na lam hpe ngai mu tam ai aten du hkra nye nu yan wa hpe nang kaw nga shangun na matu, chyeju hte ahkang jaw e,” ngu nna tsun wu ai.

1 SAMUELA 23:13

Dai rai nna Dawi hte shi a masha kru tsa dang ngu na yawng hte gaw Kila mare kaw nna kalang lata pru mat wa nhtawm rawt hkawm mat wa ma ai. Shawlu gaw Kila mare kaw na Dawi hprawng lawt mat wa sai shiga na ai shaloi, shi shatawng shada ai amu hpe jahkring kau wu ai.

1 SAMUELA 25:13

Shi gaw, “Nanhte a nhtu ni hpe hpye da manu!,” ngu nna hkang dat wu ai hte maren, shanhte yawng galaw da ma ai. Dawi mung shi a nhtu hpye la nhtawm shi a masha mali tsa daram hte rau pru mat wa wu ai; lahkawng tsa hte gaw shingdu e arai sin nga ma ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.