1 SAMUELA 22:17 - Jinghpaw Common Language Bible 2009

¹⁷ Dai hpang shi gaw shi a makau e tsap nga ai sin langa ni hpe, “Dai Madu a hkinjawng ni hpe sat kau mu! Shanhte gaw Dawi hte bungli mayun galaw ai lam yawng mayawng hpe shanhte chye nga ma ai lam hpe mung, shi hprawng mat wa ai lam hpe mung, chye nga ninglen n tsun dan ma ai,” ngu nna tsun wu ai. Rai ti mung, sin langa ni chyawm gaw dai Madu a hkinjawng ni hpe sat kau na matu lata n sharawt hkraw ma ai.

Jinghpaw Hanson Version Bible

¹⁷ nga nna tsun ngut jang, “Yehowa a hkinjawng ni mung Dawi hpang maga nga nna, shi hprawng ai lam chye ninglen ngai e n tsun shana ma ai majaw, shanhte hpe mahtang sat mu,” ngu nna shi kaw hkan nang ai sin langa ni hpe tsun mu ai. Rai timung, hkawhkam a ma ni gaw Yehowa hkinjawng ni hpe n sat hkraw ma ai.

1 SAMUELA 22:17 ပူးပေါင်းရင်းမြစ်များ

2 SAMUELA 15:1

Dai hpang Absalom gaw shi a matu leng langai hte gumra ni hpe lajang tawn nhtawm shi a shawng e gat na masha marai manga shi san tawn da wu ai.

1 HKAWHKAM 1:5

Ya Absalom si mat jang, Dawi hte Hagit yan a kasha Adoniya gaw naw hkrung nga ai shadang sha kaba rai nga ai. Shi gaw nachying ahpraw asam tsawm ai wa rai nga ai. Hkawhkam tai wa na matu shi myit makun da nga ai lam hte seng nna, Dawi shi hpe galoi mung n daru kau yu wu ai. Shi gaw shi a matu hpyen leng ni mung, gumra ni mung, asak sin na matu masha manga shi hpe mung san tawn da wu ai.

1 HKAWHKAM 14:27

Dai ni a malai Hkawhkam Rehoboam gaw magri mang ninggang ni hpe galaw nhtawm hkawhkam htingnu chyinghka ni hpe sin na lit lu ai du salang ni a lata de ap ya wu ai.

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

2 HKAWHKAM 10:25

Yehu hkungga nawng ya ngut jang, shi gaw sin langa ni hte du salang ni hpe, “Shanhte yawng hpe shang sat kau manu; langai mi hpe pyi hkum shalawt kau dat mu,” ngu nna tsun wu ai. Shanhte shang wa nhtawm shaw da chyalu re ai nhtu ni hte shanhte yawng hpe sat kau mu ai rai nna si mang ni hpe shinggan de garawt shapraw da ma ai. Dai hpang Bala htingnu a chyoi pra ai kata gawk de shanhte shang mat wa nhtawm,

PRU MAT 1:17

Rai ti mung shangai karum ai yan mahtang Karai Kasang hpe hkrit hkungga ai yan rai nna hkawhkam wa a hkang da ai ga hpe n madat ai sha, shing rai hkan galaw na malai, shan gaw lasha ni hpe jahkrung da ya nga ma ai.

KASA 4:19

Rai ti mung Petru yan Yawhan chyawm gaw, “Karai Kasang a ga madat na hta, nanhte a ga madat yang, Karai Kasang a man e mai n mai gaw, nanhte she daw dan yu mu.

1 SAMUELA 14:45

Rai ti mung, amyu masha ni chyawm gaw Shawlu hpe, “Israela a matu nde wa kaba la ai awng padang ninglaw jaw ya ai Yonahtan gaw si lu na rai wu ni? Dai hku n rai u ga, shi a baw hta na kara singgawng mi mung mat lu na n rai nga ai gaw ahkrung nga ai dai Madu hta anhte ga sadi tawn ga ai. Dai ni shi galaw ai amu gaw Karai Kasang karum la ai hte sha galaw kau lu nu ai re,” ngu nna tsun ma ai. Dai rai nna amyu masha ni gaw Yonahtan hpe si na kaw na hkrang la nga ma ai.

1 SAMUELA 2:31

Madat u! Na a dinghku na masha kadai mung ugut gu dingla hkra n hkrung nga lu mu ga, na a dinghku hte na a lakung lama ni hta na shabrang ni yawng hpe ngai sat kau ya na aten du wa nga sai.

1 SAMUELA 20:33

Dai aten hta Yonahtan hpe sat kau na nga, shi a nri jinghkyen dat wu ai rai nna, shi a kawa gaw Dawi hpe teng teng sat kau na daw dan da nga nu hka, nga nna dum chye wa wu ai.

1 SAMUELA 22:13

Shawlu gaw shi hpe, “Nang hte Dawi hpa majaw ngai hpe gumlau na maw mawn myit ni? Nang gaw shi a matu Karai Kasang kaw hpa majaw san ya nhtawm lusha nkau mi hte nhtu langai mi jaw kau dat ya n ni? Ya chyawm gaw shi ngai hpe nhtang gumlau kau ni ai hte ngai hpe sat kau lu na ahkaw ahkang ginjang tam let ala nga ai!,” ngu nna tsun wu ai.

1 SAMUELA 22:16

Hkawhkam wa gaw, “Ahimelek e, nang hte na a jinghku ni yawng si lu na rai myit dai,” ngu nna tsun wu ai.

1 SAMUELA 25:17

Chyeju hte ndai lam hpe myit yu nna kaning rai galaw na lam daw dan hparan ya mi. Ndai amu gaw anhte a madu hte shi a dinghku masha ni yawng a matu tsin-yam tsindam shapraw ya lu nga ai. Shi mahtang grai n hkru ai wa rai nna kadai tsun ai ga hpe mung n kaw madat ya nga ai!,” ngu nna tsun wu ai.

1 SAMUELA 8:11

Samuela gaw, “Ndai gaw nanhte a hkawhkam wa nanhte hpe kaning rai galaw na sat rai nga ai. Shi gaw nanhte a shadang sha ni hpe hpyenla galaw shangun na ra ai; shanhte hta na nkau mi gaw shi a hpyen leng ni hta shang galaw nhtawm, kaga ni gaw gumra dap hta shang na rai ma ai; kaga ni mung gumra leng ni a shawng e kagat na rai ma ai.