1 SAMUELA 22:16 - Jinghpaw Common Language Bible 2009

¹⁶ Hkawhkam wa gaw, “Ahimelek e, nang hte na a jinghku ni yawng si lu na rai myit dai,” ngu nna tsun wu ai.

Jinghpaw Hanson Version Bible

¹⁶ Hkawhkam wa chyawm gaw, “Ahimelek e, nang hkum nan hte, na nhpu nnau ni yawng teng teng si lu na ri myit dai,”

1 SAMUELA 22:16 ပူးပေါင်းရင်းမြစ်များ

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

1 HKAWHKAM 19:2

Shi gaw Elia hpang de ning ngu shiga shana dat wu ai: “Hpawt de ndai aten e, myihtoi ni hpe nang galaw kau dat nit dai hte maren, nang hpe ngai n galaw ai rai yang, karai ni ngai hpe si hkra adup mi ga law.”

ESHTA 3:6

Mordehkai gaw Yuda masha langai mi rai nga ai hpe shi chye jang, Mordehkai hpe chyu sha ari jaw ai hta jan nna galaw na matu shi daw dan da wu ai. Persi mungdan ting hta nga ai Yuda amyu masha shagu hte hpe sat sharu kau na shi maw nga ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

Daniela 2:12

Dai lam a majaw, hkawhkam wa grai n-yun bu ai hte Babelon mung na hkawhkam wa a hpaji jaw masha ni yawng hpe sat shamyit kau na matu hkang dat wu ai.

Daniela 2:5

Hkawhkam wa gaw shanhte hpe, “Nanhte gaw yup mang dai hpe mung, de a lachyum hpa rai nga ai mung ngai hpe tsun dan lu na rai myit dai, ngu ngai myit da ni ai. Nanhte n lu tsun dan ai rai yang, nanhte hpe kahtum kadaw di kau nna, nanhte a dum nta ni hpe run sumpum kau ya na made ai.

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

KASA 12:19

Herod chyawm gaw Petru hpe tam na hkang da mu ai rai ti mung shanhte shi hpe n mu tam mu ai. Dai rai nna Herod gaw sin langa ni hpe jep san sagawn yu nna, shanhte hpe sat kau na hkang dat wu ai. Dai hpang Herod gaw Yuda mung na pru nhtawm Kesare mare de yu wa nna nga nga ai.

TARA JAHPRANG 24:16

“Kasha ni shut hpyit kau ai ru hka amu a majaw kanu kawa ni si ai hkrum na n rai; kanu kawa ni shut hpyit kau ai ru hka amu a majaw kashu kasha ni si ai hkrum na n rai; tinang nan shut hpyit kau ai ru hka amu a majaw tinang nan si lu na rai nga ai.

1 SAMUELA 14:44

Shawlu gaw shi hpe, “Nang sat kau ai n hkrum na rai yang gaw Karai Kasang ngai hpe si hkra adup u ga!,” ngu nna tsun wu ai.

1 SAMUELA 20:31

Dawi hkrung nga dingsa ndai mungdan hta hkawhkam galoi mung byin na n rai nga ndai hpe nang n myit dum nga sani? Ya sa nna ndai yang e shi hpe woi tawn mu-shi si lu na rai nga ai,” ngu nna tsun wu ai.

1 SAMUELA 22:15

Rai sa, shi a matu Karai Kasang kaw ngai san ai gaw ndai lang, shawng na lang sha n rai sai. Nang hpe gumlau na maw mawn ai lam hte seng nna, nang hkawhkam wa rai ti mung, ngai hpe mung, nye a dinghku masha kadai hpe mung mara shagun lu na ndai n rai. Ndai lam hte seng ai hpa lam hpe mung ngai n chye nngai!,” ngu nna htan wu ai.

1 SAMUELA 22:17

Dai hpang shi gaw shi a makau e tsap nga ai sin langa ni hpe, “Dai Madu a hkinjawng ni hpe sat kau mu! Shanhte gaw Dawi hte bungli mayun galaw ai lam yawng mayawng hpe shanhte chye nga ma ai lam hpe mung, shi hprawng mat wa ai lam hpe mung, chye nga ninglen n tsun dan ma ai,” ngu nna tsun wu ai. Rai ti mung, sin langa ni chyawm gaw dai Madu a hkinjawng ni hpe sat kau na matu lata n sharawt hkraw ma ai.